1news.az

Elmar Məmmədyarov Azərbaycanda təhsil almış efiopiyalı tələbələrlə görüşüb

8 Noyabr saat 22:51 ~ 1 dəqiqəlik oxu 235
Elmar Məmmədyarov Azərbaycanda təhsil almış efiopiyalı tələbələrlə görüşüb

Xarici işlər naziri Elmar Məmmədyarov Efiopiya Federativ Demokratik Respublikasına rəsmi səfəri çərçivəsində Azərbaycanda təhsil almış efiopiyalı tələbələrlə görüşüb.

XİN-in mətbuat xidmətindən 1news.az-a verilən məlumata görə, nazir Elmar Məmmədyarov təhsil sahəsinin Azərbaycan və Efiopiya arasında ikitərəfli humanitar münasibətlərdə xüsusi yer tutduğunu və bu sahədə tarixə söykənən ənənəvi əməkdaşlığın davam və inkişaf etdirilməsinin vacib olduğunu qeyd edib. O həmçinin, Efiopiyaya rəsmi səfəri çərçivəsində keçirdiyi görüşlərdə təhsil sahəsində əlaqələrin təşviqi üçün qarşılıqlı xoş niyyətin ifadə edildiyini bildirib.

Görüşdə məzunlar Azərbaycan və Efiopiya arasında dostluq körpüsünün əsasını qoyduqlarını bildirərək, müxtəlif dövrlərdə göstərilmiş kömək və dəstəyə görə Azərbaycan tərəfinə təşəkkür ediblər. Həmçinin Azərbaycanda təhsil almış tələbələrin hazırda Efiopiyanın müxtəlif dövlət qurumlarında yüksək vəzifələrdə çalışdıqlarını əlavə ediblər.

1news.az

OXUCULARIN SEÇİMİ
REDAKSİYANIN SEÇİMİ
Siyasət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2017 "The First News" İnformasiya Agentliyi,,
Bütün hüquqlar qorunur
entonee.net