Azərbaycanın yeni Baş naziri təsdiqləndi – FOTO – YENİLƏNİB
Milli Məclis Əli Əsədovun Azərbaycanın Baş Naziri təyin edilməsinə razılıq verib.
1news.az-ın verdiyi xəbərə görə, Milli Məclisin bu gün keçirilən iclasında “Ə.H.Əsədovun Azərbaycan Respublikasının Baş naziri vəzifəsinə təyin edilməsinə razılıq verilməsi haqqında” məsələ müzakirəyə çıxarılıb.
Sonra Milli Məclisin Sədri Oqtay Əsədov gündəlikdəki məsələ ilə bağlı Prezident İlham Əliyevin Milli Məclisə məktubunu oxuyub.
Daha sonra məsələ ilə bağlı müzakirələr aparılıb. Müzakirələrdən sonra məsələ səsə qoyularaq qəbul edilib.
Milli Məclisin sədri Oqtay Əsədov sonda bir daha Ə.Əsədovu təbrik edib, ona gələcək fəaliyyətində uğurlar arzulayıb.
12.17
Baş nazir Novruz Məmmədov vəzifəsindən azad edilməsi barədə Prezident İlham Əliyevə müraciət edib.
1news.az-ın verdiyi xəbərə görə, bunu bu gün Milli Məclisdə “Əli Əsədovun Azərbaycan Respublikasının Baş naziri vəzifəsinə təyin edilməsinə razılıq verilməsi haqqında” məsələnin müzakirəsi zamanı spiker Oqtay Əsədov bildirib.
O.Əsədov deyib ki, Prezident İlham Əliyev Əli Əsədovun Baş nazir təyin edilməsi haqqında parlamentə müraciət edib.
10.00
Azərbaycan Prezidentinin İqtisadi məsələlər üzrə köməkçisi - şöbə müdiri Əli Əsədov Baş Nazir vəzifəsinə təyin ediləcək.
1news.az-ın verdiyi xəbərə görə, bu barədə Milli Məclisin açıqladığı gündəlikdə bildirilib.
Əli Əsədovun Azərbaycan Respublikasının Baş naziri vəzifəsinə təyin edilməsinə razılıq verilməsi haqqında məsələ Milli Məclisin bu gün keçiriləcək iclasının gündəliyinə daxil edilib.
S.Xankişiyeva