“Elektra Hall” da yeni nəsil BMW 3-cü seriya avtomobilinin təntənəli təqdimat mərasimi keçirilib – FOTO | 1news.az | Xəbərlər
Cəmiyyət

“Elektra Hall” da yeni nəsil BMW 3-cü seriya avtomobilinin təntənəli təqdimat mərasimi keçirilib – FOTO

10:00 - 23 / 04 / 2019
“Elektra Hall” da yeni nəsil BMW 3-cü seriya avtomobilinin təntənəli təqdimat mərasimi keçirilib – FOTO

18 aprel tarixində BMW avtomobillərinin Azərbaycandakı rəsmi idxalçısı “Improtex Motors” şirkəti “Elektra Hall”da  yeni nəsil BMW 3-cü Seriya avtomobilinin təqdimatını keçirtdi.       

Yeni sedan alman istehsalçısının CLAR modul platformasında inşa edilibdir. Lakin, bu platformada inşa edilmiş 5-ci Seriya və 7-ci Seriya modellərindən fərqli olaraq, sedan ikiqollu ön asqı ilə deyil, McPherson dayaqları ilə təchiz edilir. Arxa beşqollu asqı quruluş cəhətdən tamamilə yenidən düzəldilmişdir. Avtomobilin konstruksiyasında alüminium, maqnezium və yüksək sərtlikli poladın payı artırılıbdır. Yeni 3-cü Seriya modelini hazırlayan zaman əsas diqqət avtomobilin hərəkət dinamikasının yaxşılaşdırılması üzərində cəmlənmişdir.

Avtomobilin çəkisi 55 kiloqram azaldılmış, ağırlıq mərkəzi 10 millimetr aşağı salınmış və təkər izi ciddi şəkildə genişləndirilmişdir. Artıq ön və arxa təkər izi müvafiq olaraq 43 və 21 millimetr genişlənibdir. Kuzovun burulmaya qarşı sərtliyi də 15% artırılmışdır. Yeni 3-cü Seriya çəkinin oxlar arasında ideal şəkildə (50:50) bölünməsinə malikdir. Yeni model yaxşılaşdırılmış aerodinamika ilə də seçilir – alın müqaviməti əmsalı 0,23-ə bərabərdir.

Yeni BMW 3-cü Seriya sələfinə nisbətən daha geniş salon təklif edir. Əsas genişlənmə sürücü və ön sərnişinin çiyin və dirsək hissəsində baş veribdir. İnteryer klassik BMW üslubunda dizayn edilibdir. Yeni sedanın 10,25-düymlük ekranı olan multimedia sistemi iDrive 7.0 platformasında inşa edilib, sistem səslə verilən komandalar ilə idarə olunur.

Sedan dörd təchizat səviyyəsində təklif ediləcəkdir: Advantage, Sport Line, Luxury Line və M Sport. Əlavə salonun Vernasca və ya Merino dəriləri ilə üzlənməsini, cihazlar panelinin isə süni Sensatec dərisi ilə və yaxud əsl BMW Individual dərisi ilə üzlənməsini sifariş etmək olar. Digər opsiyalar üçzonalı klimat-kontrol, panoram tavan və Harman Kardon səs sistemidir.

BMW 3-cü Seriya elektronika ilə idarə edilən amortizatorları olan opsional adaptiv M-asqısını malikdir. Opsiyalar siyahısında öndə dörd porşenli olan M Sport əyləc sistemi, həmçinin arxa oxa quraşdırılan differensial da vardır. İlk zamanlarda yeni sedan beş güc variantına malik olan üç mühərriklə təklif edilir. Belə ki, 320i və 330i modifikasiyalarının 2,0-litrlik dörd silindrli mühərriki 184 və 258 at qüvvəsinə malikdirlər. Eyni həcmli dizel mühərriki isə 150 (318d) və 190 (320d) at qüvvəsi təklif edir. Gələcəkdə sedan üçsilindrli turbomühərriklə təchiz edilmiş baza variantına və güclü M-versiyalara sahib olacaqdır.

Yeddinci nəsil 3-cü Seriya sürücüyə yardım sistemlərinin geniş çeşidinə malik olub: Stop&Go funksiyalı aktiv kruiz-kontrol, yerdəyişmələr zamanı və arxadan zərbələri təhlükələri xəbərdar edən sistem, dayanacaqdan arxa hərəkətlə çıxmağa yardım funksiyası bu çeşidə daxildir. Bundan başqa, yandan zərbələrdən müdafiə edən zolaqda saxlama funksiyası, 50 metrə qədər məsafədə əvvəl keçilmiş xətt üzrə avtomatik olaraq arxaya hərəkət etməyə imkan verən parklanma yardımçısı da opsiyalar siyahısına daxil edilib. Qeyd edək ki, BMW Azərbaycanda 4 il (və ya 200.000 km) tam zavod zəmanəti verən yeganə avtomobil brendidir.

“Improtex Motors” haqqında:

“Improtex” Şirkətlər Qrupunun tərkib hissələrindən biri “Improtex Motors” MMM-dir. Əsas fəaliyyəti premium sinfli avtomobilləri ilə bağlı olan “Improtex Motors” MMM 1998-ci ildə yaradılaraq, peşəkar və keyfiyyətli işi sayəsində ölkənin avtomobil bazarında ən etibarlı və hörmətli tərəfdaş adını qazanmışdır. “Improtex Motors” şirkəti BMW, “Rolls-Royce Motor Cars”, “MINI”,  BMW motosikllərinin və Yaponiyanın YAMAHA brendinin rəsmi idxalçısıdır və qeyd edilən brendlərin yeni model sırasını Azərbaycan avtomobil bazarında layiqincə təqdim edir. Hazırda, şirkətin yeni avadanlıqlarla təchiz olunan və bütün müasir standartlara tam cavab verən 3 sərgi-satış salonu və 2 servis mərkəzi vardır.

Reklam hüququnda

Paylaş:
917

Son xəbərlər

FHN Bakının mərkəzində məşhur kafenin fəaliyyətini dayandırıb - FOTO - VİDEOBu gün, 13:01Sabah leysan olacaq - Bayram gününün havası açıqlandıBu gün, 12:40Heydər Əliyev mərkəzi üçün hazırlanan əsər - “Hava fontanı - kəlağayıların rəqsi” - VİDEOBu gün, 12:22Pensiyaçılar ölkə əhalisinin 10,8 faizini təşkil edirBu gün, 12:14Sabunçuda hospitalda ölüm faktı qeydə alınmasına görə araşdırma aparılırBu gün, 12:05Mingəçevirdə 200 min manatlıq dələduzluqda şübhəli bilinən şəxs saxlanılıbBu gün, 12:00Fevralda nə qədər adam pensiya təyinatı alıb? - AçıqlandıBu gün, 11:19RİNN bayramda gücləndirilmiş iş rejimində fəaliyyət göstərəcəkBu gün, 10:56“Qala” qoruğunda Novruz şənliyi keçirilib - FOTOBu gün, 10:48Yol polisi səfərə hazırlaşan sürücülərə müraciət edibBu gün, 10:38Abad məhəllələrdəki Novruz şənlikləri davam edir - FOTOBu gün, 10:27Xankəndidə xeyli silah-sursat tapılıbBu gün, 10:24Ötən gün 18 kiloqramdan çox narkotik vasitə aşkarlanıbBu gün, 10:12Mikayıl Cabbarov İlaxır Çərşənbəyə dair paylaşım edibBu gün, 10:10FHN Novruz bayramı ilə əlaqədar əhaliyə təkrar müraciət edibBu gün, 10:03Dağlıq ərazilərdə 6 dərəcəyədək şaxta olub - FAKTİKİ HAVABu gün, 09:59Beynəlxalq əmtəə, fond və valyuta bazarlarının göstəriciləriBu gün, 09:46TƏBİB Novruz bayramı ilə əlaqədar gücləndirilmiş iş rejimində işləyəcəkBu gün, 09:29Azərbaycan Mərkəzi Bankının valyuta məzənnələri açıqlanıbBu gün, 09:24Saatlıda narkokuryerdən 8 kiloqram heroin və marixuana aşkar edilibBu gün, 09:16
Bütün xəbərlər