1news.az

Dünya çempionatının finalında Azərbaycan dueli – FOTO

18 Oktyabr saat 13:39 ~ 1 dəqiqəlik oxu 59
Dünya çempionatının finalında Azərbaycan dueli – FOTO

Baham adalarının Nassau şəhərində gənc cüdoçular arasında dünya birinciliyinə start verilib. Çempionatın birinci günü Azərbaycan cüdoçuları üçün uğurlu olub.

1news.az-ın AZƏRTAC-a istinadən verdiyi xəbərə görə, 55 kiloqram çəki dərəcəsində mübarizə aparan Balabəy Ağayev və Rövşən Əliyev bütün rəqiblərinə qalib gələrək finala çıxıblar. B.Ağayev həlledici görüşə qədər Monqolustan, Hollandiya, Meksika, Rövşən Əliyev isə Macarıstan, Yaponiya və Qırğızıstan idmançılarını məğlub ediblər. Azərbaycan finalının qalibi adına Rövşən Əliyev layiq görülüb.

Cüdoçumuzun qələbəsinin şərəfinə Azərbaycan Respublikasının dövlət himni səsləndirilib, üçrəngli bayrağımız qaldırılıb.

Qızların mübarizəsində isə 44 kiloqram çəki dərəcəsində ölkəmizi təmsil edən Şəfəq Həmidova bürünc medal uğrunda görüşdə belçikalı Luis Pettitə uduzaraq beşinci yeri tutub.

Beləliklə, Azərbaycan cüdoçuları dünya çempionatının birinci günündə 1 qızıl və 1 gümüş medal qazanıblar.

1news.az

OXUCULARIN SEÇİMİ
REDAKSİYANIN SEÇİMİ
İdman BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2018 "The First News" İnformasiya Agentliyi,,
Bütün hüquqlar qorunur
entonee.net