Dövlət Komitəsi və beynəlxalq təşkilatlar Azərbaycanda gender əsaslı zorakılığa son qoymaq üçün kampaniyaya start verir | 1news.az | Xəbərlər
Cəmiyyət

Dövlət Komitəsi və beynəlxalq təşkilatlar Azərbaycanda gender əsaslı zorakılığa son qoymaq üçün kampaniyaya start verir

12:25 - 25 / 11 / 2017
Dövlət Komitəsi və beynəlxalq təşkilatlar Azərbaycanda gender əsaslı zorakılığa son qoymaq üçün kampaniyaya start verir

Birləşmiş Millətlər Təşkilatının İnkişaf Proqramı (UNDP), BMT-nin Qaçqınlar üzrə Ali Komissarlığı (UNHCR), Birləşmiş Millətlər Təşkilatının Əhali Fondu (UNFPA), Birləşmiş Millətlər Təşkilatının Uşaq Fondu (UNICEF), Beynəlxalq Miqrasiya Təşkilatı (İOM), Birləşmiş Millətlər Təşkilatının Ərzaq və Kənd Təsərrüfatı Təşkilatı (FAO), Amerika Birləşmiş Ştatları ABŞ Beynəlxalq İnkişaf Agentliyi (USAID) vasitəsilə, Diplomatik Missiya Rəhbərlərinin Həyat Yoldaşları Təşkilatı və Azərbaycan Respublikasının Ailə, Qadın və Uşaq Problemləri üzrə Dövlət Komitəsi qadınlara qarşı zorakılığın qarşısının alınması üçün beynəlxalq “Gender əsaslı zorakılığa qarşı 16 günlük fəallıq” kampaniyası çərçivəsində bir araya gələcəklər.

25 noyabr Qadınlara qarşı Zorakılıqla Beynəlxalq Mübarizə Günündən başlayaraq 10 dekabr Beynəlxalq İnsan Hüquqları Gününə kimi davam edəcək kampaniyanın qlobal məqsədi bütün dünyadakı dövlət və qeyri-dövlət qurumlarını, əhalinin və ayrı-ayrı fərdləri bütün mümkün vasitələrlə qadınlara və qızlara qarşı zorakılığın bütün formalarına son qoyulması üçün tədbirlər görməyə çağırmaqdır. Bu il kampaniyanın şüarı “Heç kim kənarda qalmasın: Qadınlara və qızlara qarşı zorakılığa son!”-dur.

Azərbaycanda 2008-ci ildən BMT-nin ölkə ofisi və Hökumət tərəfdaşları ilə əməkdaşlıqda keçirilən "16 Günlük fəallıq" kampaniyası icmalarda və yerli səviyyədə qadınlara və gənc qızlara qarşı zorakılıq məsələləri ilə bağlı əhalinin maarifləndirilməsi və səfərbər edilməsi üzrə əsas tədbirlərin həyata keçirilməsini nəzərdə tutur. Bu məqsədlə, təşkilatçılar ölkə daxilində ASAN mərkəzlərdə bukletlərin paylanması, velosiped yürüşü vasitəsilə maarifləndirmə, habelə ictimai həyatın müxtəlif sahələrində gender bərabərliyi mövzusunda ictimai çıxışlar vasitəsilə cəmiyyətin məlumatlandırılmasına dair tədbirlər keçirəcəkdir. Təşkilatçılar şəhərin müxtəlif məkanlarında posterlər vasitəsilə gender-əsaslı zorakılıqa bəhanə qazandıran stereotiplərin yanlışlıqı barəsində məlumatlar alacaqlar.

25 noyabrda, Qadınlara qarşı Zorakılıqla Beynəlxalq Mübarizə Günündə, Azneft meydanı – Heydər Əliyev Mərkəzi marşrutu üzrə velosiped turu təşkil ediləcəkdir. Bundan əlavə, kampaniya iştirakçılarıının 30 noyabr tarixində ictimai həyatda məhşur fikir formalaşdıran kişilər tərəfindən təqdim ediləcək gender əsaslı zorakılıq və gender bərabərliyi mövzusunda ictimai çıxışlara qulaq asmaq imkanı olacaq. Keçirilən bu tədbirlərlə yanaşı, təşkilatçılar həmçinin gender əsaslı zorakılığa qarşı mesajlarını bu fenomenin mənfi təsirləri haqqında 16 qısa video çarx vasitəsilə sosial media istifadəçilərinə çatdıracaq.

Gender əsaslı zorakılıq bir qadına və ya qıza, kişiyə və ya oğlana qarşı tətbiq olunan və fiziki, cinsi və ya psixoloji sağlamlığına, eləcə də şəxsiyyətinin formalaşmasına mənfi təsir göstərən ziyan və zərər kimi müəyyən edilir. Cinsi zorakılıq, fiziki və psixoloji zorakılıq, zərərli ənənələr və sosial-iqtisadi zorakılıq gender əsaslı zorakılığın formalarına daxildir. Zorakılığın səbəbi gender rollarında qeyri-bərabər səlahiyyətlərə və gender əsaslı ayrı-seçkiliyə əsaslanır.

Bu 16 gün qadınlara və qızlara qarşı zorakılığın qarşısınin alınması və aradan qaldırılması, eləcə də müvafiq fəaliyyətlər üçün səmərəli vasitələr və mexanizmlərin yaradılmasında dünya ictimaiyyətinin birliyini nümayiş etdirəcək.

Reklam hüququnda

Paylaş:
1671

Son xəbərlər

“YAŞAT” Fondu müharibə əlilinə dəstək veribBu gün, 14:36“Azərişıq” Göyçayda yenidənqurma işlərinə başlayıb - VİDEOBu gün, 14:30Ekspert taksi islahatlarından danışdı: Birdən-birə 40 min nəfəri işsiz qoymaq doğru deyilBu gün, 14:29Könül Nurullayeva: “ABŞ-Ermənistan-Avropa İttifaqı hərbi paktı regionda sabitliyə, sülhə qarşı yönəlib”Bu gün, 14:13Azərbaycanda 23 yeni narkotik vasitə qadağan edilmiş maddələrin siyahısına əlavə olunduBu gün, 13:23Bakı şəhər “Lifttəmir” İB-nin direktoruna şiddətli töhmət verilib, 2 nəfər vəzifəsindən kənarlaşdırılıbBu gün, 13:10Türkiyədən ilhamlanmış “Beynəlxalq Sıfır Tullantı Günü” ilə tullantısız gələcək - FOTOBu gün, 12:58“Azneft”in rəhbərini işdən çıxardı - Yeni təyinatBu gün, 12:41Mərkəzi Bank: Azərbaycanda manata inam qorunub saxlanılıbBu gün, 12:38Sabah qərb küləyi əsəcək - ProqnozBu gün, 12:22“Azərbaycan” gəmi-bərəsi yenidən istismara qaytarılıb - FOTOBu gün, 12:15Meşə fondu torpaqlarında bayram günlərində 100 mindən artıq ağac əkilibBu gün, 12:12Sumqayıtda qanunsuz tikili sökülüb - VİDEOBu gün, 12:10Ombudsman Xankəndidə erməni əsilli sakinlərlə görüşübBu gün, 11:59Ermənistanın Baş naziri “mühacir Qarabağ hökumətini” tanımadığını bildiribBu gün, 11:53Ağdərədə odlu silah-sursat aşkarlandıBu gün, 11:46DTX 105-ci ildönümünə həsr olunan videoçarx yayımlayıb - VİDEOBu gün, 11:29Mərkəzi Bank uçot dərəcəsini endiribBu gün, 11:14Magistraturaya qəbul imtahanının ikinci cəhdində iştirak üçün qeydiyyat elan edilibBu gün, 10:57Naxçıvanda avtomobil yolunda qaya uçqunu oldu - VİDEOBu gün, 10:38
Bütün xəbərlər