Deputat: Sosial paket 2 milyondan çox insanın rifahına müsbət təsir göstərəcək

Azərbaycanın iqtisadi gücü artdıqca, dövlət tərəfindən əhalinin sosial vəziyyətinin yaxşılaşdırılması istiqamətində atılan addımlar da davamlı xarakter alır.

Bunu 1news.az-a açıqlamasında millət vəkili Azər Badamov ölkə Prezidentinin dünən imzaladığı geniş islahatlar paketi barədə danışarkən deyib.

O bildirib ki, bu ilin əvvəlində dövlət başçısının imzaladığı sosial paket çərçivəsində 3 milyondan çox vətəndaşımızın gəlirləri artıb:

“Amma bu paketin imzalanmasından sonra qeyd edilmişdir ki, bu son deyil və il ərzində yeni artımların şahidi olacayıq. Artıq ölkə başçısı növbəti sosial paketin icrasına sərəncam verdi. Sərəncama uyğun olaraq ölkədə minimum əmək haqqının 70 manat artıralaraq 250 manata çatdırılması nəzərdə tutulur. Minimum əmək haqqının və dövlət büdcəsindən maliyyələşən işçilərin əmək haqlarının artırılması ilə bağlı imzalnmış növbəti sərıcamlar da ümumilikdə 2 milyondan çox insanın sosial rifahına müsbət təsir göstərəcəkdir. Bu da hər bir ailənin büdcəsinin artması deməkdir. Minimum əmək haqqının alıcılıq qabiliyyətinə görə Azərbaycan MDB məkanında ikinci yerə çıxıb”.

Deputatın sözlərinə görə, əsası odur ki, əhalinin pul gəlirlərinin artmasına baxmayaraq, ölkədə infilyasiya minimum həddə qalmaqdadır:

“Bu da əhalinin artan pul gəlirləri fonunda alıcılıq qabiliyyətinin yüksəlməsi deməkdir”.

1news.az