Deputat: Dövlət başçısının sərəncamı əhalinin sosial müdafiəsinin möhkəmləndirilməsi sahəsində vacib addımdır | 1news.az | Xəbərlər
Siyasət

Deputat: Dövlət başçısının sərəncamı əhalinin sosial müdafiəsinin möhkəmləndirilməsi sahəsində vacib addımdır

17:43 - 11 / 02 / 2019
Deputat: Dövlət başçısının sərəncamı əhalinin sosial müdafiəsinin möhkəmləndirilməsi sahəsində vacib addımdır

Azərbaycan Prezidenti İlham Əliyevin sərəncamı ilə 2019-cu ilin martın 1-dən minimum əməkhaqqının artırılması əhalinin sosial müdafiəsinin möhkəmlənməsi sahəsində vacib addımdır.

1news.az-ın verdiyi xəbərə görə, bunu Milli Məclisin deputatı Musa Quliyev bildirib:

Fevralın 8-də Azərbaycan Respublikası Prezidentinin Sərəncamı ilə Minimum aylıq əməkhaqqının artırılması və “Minimum aylıq əməkhaqqının artırılması haqqında” Azərbaycan Respublikası Prezidentinin 2017-ci il 25 dekabr tarixli 3545 nömrəli Sərəncamında dəyişiklik edilib.

Sərəncama əsasən, minimum aylıq əməkhaqqının məbləği 2019-cu il martın 1-dən 180 manat müəyyən edilib. Bu da özəl və dövlət büdcəsindən maliyyəşən təşkilatlar olmaqla 600 min nəfərə şamil olunacaq.  

“Yaşayış minimuma ilə minimum aylıq əməkhaqqı arasında hər zaman fərq olub. Bu fərq bir sıra dövlətlərdə də mövcuddur. Bu fərqin aradan qaldırılması ilə Azərbaycanda bir sıra dövlət sektorunun əməkdaşlarının əməkhaqqı artırılacaq. Bu da əhalinin sosial müdafiəsinin möhkəmlənməsi sahəsində mühüm addımdır”, - deyə M.Quliyev bildirib.

Deputatın sözlərinə görə, Prezidentin sərəncamı bütün qruplardan olan əhalinin həyat şəraitinin yaxşılaşdırılmasına kömək olacaq:

“Bu sərəncan bir daha ölkə başçısının əhalinin sosial müdafiəsinin yaxşılaşdırılması sahəsində diqqətini nümayiş etdirir”.

Onun sözlərinə görə, bütün dünyada əməkhaqqının və təqaüdlərin artırılması orta əməkhaqqı indeksləşdirilməsi üzrə aparılır:

“Azərbaycanda hər il əməkhaqqı, pensiya ödəmələri artırılır. Ölkə başçısının minimum aylıq əməkhaqqı ilə bağlı son sərəncamı bu addımın vacibliyini göstərir”.

Deputatın fikrincə, hazırki sənədin digər vacib məqamı qeyri-rəsmi məşğulluğun aradan qaldıraraq işəgötürənlə işçi arasında əmək müqaviləsinə təkan verəcək.

Qeyd edək ki,  dövlət büdcəsindən maliyyələşən təşkilatlar üzrə bu artım əmək haqları Vahid Tarif Cədvəli (VTC) üzrə ödənilən 450 mindən çox işçiyə şamil olunacaq. Onların sırasında daxildir:

- elm, səhiyyə, sosial təminat, mədəniyyət, gənclər və idman, kənd təsərrüfatı, ekologiya, mənzil-kommunal, nəqliyyat və rabitə, meliorasiya, su təsərrüfatı və balıqartırma müəssisələrində, dövlət ümumi təhsil və peşə təhsili müəssisələrində bilik və bacarıqlarının diaqnostik qiymətləndirilməsi aparılmış müəllimlər və digər təhsil işçiləri istisna olmaqla, təhsil müəssisələrində çalışan işçilər; dövlət qulluğunun xüsusi növündə çalışan, əmək haqları Vahid Tarif Cədvəli üzrə ödənilən mülki işçilər; dövlət qulluğunun ümumi növündə yardımçı vəzifələrdə minimum əmək haqqından aşağı maaş alan dövlət qulluqçuları; dövlət orqanlarında çalışan, lakin dövlət qulluqçusu hesab edilməyənlər (xadimə, dalandar, bağban, gözətçi, ocaqçı, ixtisas dərəcəsi olmayan fəhlə və s.); dövlət büdcəsindən maliyyələşdirilən bir sıra təşkilatlarda (Nazirlər Kabinetinin 2018-ci il 14 mart tarixli 94 nömrəli qərarı ilə əmək haqları tənzimlənən təşkilatlar: Azərbaycan Milli Elmlər Akademiyası, “Azərbaycan Milli Ensiklopediyası” Elmi Mərkəzi, Azərbaycanda Atatürk Mərkəzi, Mədəniyyət və Turizm Nazirliyinin Milli Kulinariya Mərkəzi, İcra Hakimiyyəti orqanlarının nəzdindəki mərkəzləşdirilmiş mühasibatlıqlar, dövlət arxivləri, elmi mərkəzlər, Dövlət Film Fondu, Səhiyyə Nazirliyinin Məhkəmə-Tibbi Ekspertiza və Patoloji Anatomiya Birliyi və Məhkəmə Psixiatrik Ekspertiza Mərkəzi, Bakı Şəhər İcra Hakimiyyətinin tabeliyindəki Bakı Şəhər məktəbəqədər təhsil müəssisələri və uşaq evləri idarəsi, Təhsil Nazirliyinin Ərazi Maliyyə Hesablaşma Mərkəzi) aşağı əmək haqqı alan xidmətedici heyət işçiləri.

Həmçinin, minimum əmək haqqı artımı özəl sektorda çalışan və əmək haqqı 180 manatdan az olan işçilərin (ilkin hesablamalara əsasən azı 150 min nəfər) əmək haqqının artmasına səbəb olacaq. Dövlət başçısının yeni sərəncamı ilə minimum əmək haqqının artırılması muzdla çalışanların azı 40%-nin əmək haqlarının artmasına imkan verəcək.

Minimum əmək haqqının artırılması üçün dövlət büdcəsindən illik 400 milyon manat, 2019-cu ilin 10 ayı (mart-dekabr) 335 milyon manatadək əlavə vəsait ayrılacaqdır.

Aydın Hüseynov: Minimum əməkhaqqının artırılması vətəndaşlara verilən dəyərin göstəricisdir

Tərcümə: S.Xankişiyeva

 

Paylaş:
636

Son xəbərlər

Sabunçuda hospitalda ölüm faktı qeydə alınmasına görə araşdırma aparılırBu gün, 12:05Mingəçevirdə 200 min manatlıq dələduzluqda şübhəli bilinən şəxs saxlanılıbBu gün, 12:00Fevralda nə qədər adam pensiya təyinatı alıb? - AçıqlandıBu gün, 11:19RİNN bayramda gücləndirilmiş iş rejimində fəaliyyət göstərəcəkBu gün, 10:56“Qala” qoruğunda Novruz şənliyi keçirilib - FOTOBu gün, 10:48Yol polisi səfərə hazırlaşan sürücülərə müraciət edibBu gün, 10:38Abad məhəllələrdəki Novruz şənlikləri davam edir - FOTOBu gün, 10:27Xankəndidə xeyli silah-sursat tapılıbBu gün, 10:24Ötən gün 18 kiloqramdan çox narkotik vasitə aşkarlanıbBu gün, 10:12Mikayıl Cabbarov İlaxır Çərşənbəyə dair paylaşım edibBu gün, 10:10FHN Novruz bayramı ilə əlaqədar əhaliyə təkrar müraciət edibBu gün, 10:03Dağlıq ərazilərdə 6 dərəcəyədək şaxta olub - FAKTİKİ HAVABu gün, 09:59Beynəlxalq əmtəə, fond və valyuta bazarlarının göstəriciləriBu gün, 09:46TƏBİB Novruz bayramı ilə əlaqədar gücləndirilmiş iş rejimində işləyəcəkBu gün, 09:29Azərbaycan Mərkəzi Bankının valyuta məzənnələri açıqlanıbBu gün, 09:24Saatlıda narkokuryerdən 8 kiloqram heroin və marixuana aşkar edilibBu gün, 09:16Azərbaycan neftinin qiyməti 88 dolları keçibBu gün, 09:12Mehriban Əliyeva İlaxır çərşənbə ilə bağlı paylaşım edibBu gün, 09:08Bu gün İlaxır çərşənbə qeyd olunurBu gün, 09:07Səhiyyə Nazirliyi bayram günləri ilə bağlı əhaliyə müraciət edibBu gün, 08:58
Bütün xəbərlər