Çempionlar Liqası: 1/4 final mərhələsinin püşkü atıldı
Bu gün İsveçrənin Nyon şəhərində Çempionlar Liqasının 1/4 final mərhələsinin püşkü atılıb.
1news.az-ın məlumatına görə, Avropanın ən nüfuzlu klub turnirində mübarizəni davam etdirən 8 komanda rəqiblərini tanıyıb.
Maraqlıdır ki, püşk iki İngiltərə klubunu - “Liverpul”la “Mançester Siti”ni üz-üzə qoyub.
Digər cütlüklərə gəlincə, “Barselona” “Roma”, “Sevilya” “Bavariya”, “Real” isə “Yuventus”la qarşılaşacaq.
Çempionlar Liqası
1/4 final
“Barselona” (İspaniya) - “Roma” (İtaliya)
“Sevilya” (İspaniya) - “Bavariya” (Almaniya)
“Yuventus” (İtaliya) - “Real” (İspaniya)
“Liverpul” (İngiltərə) - “Mançester Siti” (İngiltərə)
Qeyd edək ki, 1/4 finalın ilk oyunları 3-4 aprel, cavab matçları ilə 10-11 aprel tarixlərində keçiriləcək.
1news.az
