1news.az

“Bugi-Vugi Səfiri” Bakıda konsert verəcək

5 Yanvar saat 18:10 ~ 1 dəqiqəlik oxu 830
“Bugi-Vugi Səfiri” Bakıda konsert verəcək

Yanvarın 27-də Bakı Beynəlxalq Muğam Mərkəzində,  28-də isə Landmark otel və biznes mərkəzində məhşur isveçrəli bugi-vugi və blüz ifaçısı Silvan Zinggin təqdimatında Bugi-Vugi konserti keçiriləcək. (www.silvanzingg.com).

1news.az-a İsveçrənin Azərbaycandakı səfiliyindən verilən məlumata görə, Silvan Zingg Bugi-vugi və blüz janrında ifa edən istedadlı pianoçudur. O, Chuck Berry, Ray Charles, Kathie Webster, Sammy Price, Memphis Slim, Champion Jack Dupree, Tito Jackson və bir çox digər məşhurlarla eyni səhnədə çıxış edib. 

Tənqidçilər onun texnikasından və şən entuziazmından təsirlənərək, onu qeyri-adi pianoçu kimi təsvir edirlər. Onun ən böyük hiti olan “Dancing The Boogie” musiqisi Youtube-da 8.1 milliondan çox izlənilmişdi. Onun bu növ musiqi janrına olan ehtirası, 2002-ci ildə İsveçrədə indinin özündə də çox uğurla keçirilən Luqano Beynalxalq Bugi Vugi Festivalını təsis etməsinə səbəb oldu.

İsveçrənin Azərbaycandakı səfirliyi  Beynəlxalq Muğam Mərkəzi və The Landmark-ın birgə əməkdaşlığı ilə  Zinggin möhtəşəm və yaradıcı performasını təqdim etməkdən qürur hissi duyur. Konsertin programı çox şəndir və Bakıda Yeni il üçün çox gözəl başlanğıcdır. Zinggin canlı və pozitiv enerjisi tamaşaçıları heyran edəcək.

Bu qeyri-adi konsertdə iştirak etmək şansını əldən qaçırmayın!

Şənbə günü Beynəlxalq Muğam Mərkəzində təşkil olunacaq konsert üçün biletləri Bakının bütün kassalarından və "iTicket.az" saytından asanlıqla əldə edə bilərsiniz.

Bazar günü Landmark-dakı konsertə giriş dəvətnamə ilə olacaq.

P.Sultanova

 

OXUCULARIN SEÇİMİ
REDAKSİYANIN SEÇİMİ
Culture & Creativity BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2019 "The First News" İnformasiya Agentliyi,,
Bütün hüquqlar qorunur
entonee.net