Botoks etdirən 12 dəvə yarışmadan uzaqlaşdırılıb - FOTO
Səudiyyə Ərəbistanında keçiriləcək dəvələrin gözəllik yarışında botoks edildiyi müəyyənləşdirilən 12 dəvə namizəd yarışmadan uzaqlaşdırılıb.
1news.az xarici mətbuata istinadla xəbər verir ki, hər il keçirilən Kral Abduləziz Dəvə Festivalı paytaxt Riyad yaxınlığında baş tutur. Ölkənin simvol heyvanlarından sayılan dəvə festivalı 28 gün davam edir.
Bu il mayın 19-da keçirilməsi planlaşdırılan festivala Səudiyyə Ərəbistanı və digər Körfəz ölkələrindən 15 min dəvənin iştirakı nəzərdə tutulub. Festivalın sonunda təşkil edilən gözəllik yarışmasında isə milyon dollarlıq mükafat verilir. Buna görə də yarışda fırıldaqçılığa və saxtakarlığa can atanlar var. Bu il 57 milyon dollar səviyyəsində mükafatlanma gözlənilir. İndidən artıq 12 dəvə namizəddə botoks müəyyən edilib və onlar yarışmaya qatıla bilməyəcəklər.
Festivalda gözəllik kateqoriyasından başqa, dəvə yarışları, itaət təlimləri, dəvə tükü və ən yaxşı dəvə fotoşəkilləri kimi kateqoriyalar da var.
1news.az
