Birinci vitse-prezidentin köməkçisi Çində səfərdə olub - FOTO | 1news.az | Xəbərlər
Siyasət

Birinci vitse-prezidentin köməkçisi Çində səfərdə olub - FOTO

10:59 - 24 / 11 / 2017
Birinci vitse-prezidentin köməkçisi Çində səfərdə olub - FOTO

Azərbaycanın birinci vitse-prezidentinin köməkçisi, Heydər Əliyev Fondunun icraçı direktoru Anar Ələkbərovun başçılıq etdiyi nümayəndə heyəti Çin Xalq Respublikasının paytaxtı Pekin şəhərində bir sıra təşkilatlarla əməkdaşlıq perspektivlərini müzakirə edib.

Fonddan 1news.az-a verilən məlumata görə, noyabrın 23-də Fondun icraçı direktoru Anar Ələkbərov Xarici Ölkələrlə Çin Xalq Dostluq Cəmiyyətinin sədri xanım Li Syaoli, cəmiyyətin sədr müavini Sun Tsizinvu ilə görüşüb. Görüşdə Heydər Əliyev Fondu və Xarici Ölkələrlə Çin Xalq Dostluq Cəmiyyətinin fəaliyyət istiqamətləri, gələcək əməkdaşlıq məsələləri müzakirə olunub.

Anar Ələkbərov Azərbaycanın birinci vitse-prezidenti, Heydər Əliyev Fondunun prezidenti Mehriban Əliyevanın Çin Xalq Respublikası ilə ikitərəfli əməkdaşlığa xüsusi önəm verdiyini bildirib. Yaxın dostluq münasibətlərinin gələcəkdə daha da genişləndirilməsi üçün Xarici Ölkələrlə Çin Xalq Dostluq Cəmiyyəti ilə əməkdaşlığa Heydər Əliyev Fondunun dəstək göstərməyə hazır olduğu qeyd edilib. Anar Ələkbərov gələcək layihələrin müzakirəsi məqsədi ilə xanım Li Syaolini Azərbaycana dəvət edib. 

Xarici Ölkələrlə Çin Xalq Dostluq Cəmiyyətinin sədri Li Syaoli Azərbaycan ilə əlaqələrin genişlənməsi üçün hərtərəfli imkanların olduğunu bildirib. Cəmiyyətin sədri Li Syaoli məmnuniyyətlə Azərbaycana səfər edəcəyini qeyd edib.

Azərbaycanın Çindəki fövqəladə və səlahiyyətli səfiri Əkrəm Zeynallı eyni zamanda iki ölkənin sürətlə inkişafı və gələcəkdə bütün sahələrdə birgə əməkdaşlığın reallaşdırılması barədə danışaraq, Heydər Əliyev Fondunun nəzərdə tutulan layihələrinin ölkələr və xalqlararası münasibətlərin daha da yaxınlaşmasına xidmət göstərəcəyini bildirib. Heydər Əliyev Fondu ilə Xarici Ölkələrlə Çin Xalq Dostluq Cəmiyyətinin bu istiqamətdə geniş imkanlara malik olduğu qeyd edilib.

Görüş zamanı Heydər Əliyev Fondu ilə Xarici Ölkələrlə Çin Xalq Dostluq Cəmiyyəti arasında dostluq və əməkdaşlıq haqda memorandum imzalanıb. 

Daha sonra  Xarici Ölkələrlə Çin Xalq Dostluq Cəmiyyətinin muzeyi ilə tanışlıq olub.

Həmin gün Heydər Əliyev Fondunun icraçı direktoru Anar Ələkbərov Çin Beynəlxalq Ticarətin Təbliğatı Agentliyinin sədr müavini Ven Sizinçjen ilə görüşüb. Danışıqlar zamanı Bakı Ekspo 2025-in təqdimatı olub, eyni zamanda Pekin 2019 Bağçılıq Eksposu ilə bağlı müzakirələr aparılıb. Çin Beynəlxalq Ticarətin Təbliğatı Agentliyinin sədr müavini Ven Sizinçjen Bakı Ekspo 2025-in təqdimatı və Azərbaycanın Pekin 2019 Eksposunda iştirakına qərar verdiyinə görə məmnunluğunu bildirib. Pekin Ekspo 2019 və Bakının Ümumdünya Ekspo 2025-ə namizədlik məsələləri ilə bağlı davamlı müzakirə barədə razılıq əldə olunub.

1news.az

 

Paylaş:
867

Son xəbərlər

Fevralda nə qədər adam pensiya təyinatı alıb? - AçıqlandıBu gün, 11:19RİNN bayramda gücləndirilmiş iş rejimində fəaliyyət göstərəcəkBu gün, 10:56“Qala” qoruğunda Novruz şənliyi keçirilib - FOTOBu gün, 10:48Yol polisi səfərə hazırlaşan sürücülərə müraciət edibBu gün, 10:38Abad məhəllələrdəki Novruz şənlikləri davam edir - FOTOBu gün, 10:27Xankəndidə xeyli silah-sursat tapılıbBu gün, 10:24Ötən gün 18 kiloqramdan çox narkotik vasitə aşkarlanıbBu gün, 10:12Mikayıl Cabbarov İlaxır Çərşənbəyə dair paylaşım edibBu gün, 10:10FHN Novruz bayramı ilə əlaqədar əhaliyə təkrar müraciət edibBu gün, 10:03Dağlıq ərazilərdə 6 dərəcəyədək şaxta olub - FAKTİKİ HAVABu gün, 09:59Beynəlxalq əmtəə, fond və valyuta bazarlarının göstəriciləriBu gün, 09:46TƏBİB Novruz bayramı ilə əlaqədar gücləndirilmiş iş rejimində işləyəcəkBu gün, 09:29Azərbaycan Mərkəzi Bankının valyuta məzənnələri açıqlanıbBu gün, 09:24Saatlıda narkokuryerdən 8 kiloqram heroin və marixuana aşkar edilibBu gün, 09:16Azərbaycan neftinin qiyməti 88 dolları keçibBu gün, 09:12Mehriban Əliyeva İlaxır çərşənbə ilə bağlı paylaşım edibBu gün, 09:08Bu gün İlaxır çərşənbə qeyd olunurBu gün, 09:07Səhiyyə Nazirliyi bayram günləri ilə bağlı əhaliyə müraciət edibBu gün, 08:58DYP hərəkət iştirakçılarına hava ilə bağlı müraciət edibBu gün, 08:51Bakının bir sıra yollarında tıxac yaranıbBu gün, 08:44
Bütün xəbərlər