1news.az

Binəli Yıldırım: Trampın yanlış qərarları düzəldiləsi mümkün olmayan nəticələr doğuracaq

6 Dekabr saat 10:56 ~ 2 dəqiqəlik oxu 161
Binəli Yıldırım: Trampın yanlış qərarları düzəldiləsi mümkün olmayan nəticələr doğuracaq

 “ABŞ Prezidenti Donald Tramp ölkəsinin səfirliyini İsrailin paytaxtı Təl-Əvivdən Qüdsə köçürülməsi ilə bağlı qərar qəbul edərsə, bu, dinlərarası yeni silahlı münaqişəyə səbəb olar”.

1news.az-ın ahaber-ə istinadla verdiyi xəbərə görə, bunu Türkiyənin Baş naziri Binəli Yıldırım ABŞ prezidentinin dekabrın 6-da Qüdsü İsrailin paytaxtı kimi tanıyacağı ilə bağlı açıqlamasına münasibət bildirərkən deyib.

Hazırda Cənubi Koreyada səfərdə olan B.Yıldırım qeyd edib ki, D.Trampın Qüdsün hüquqi statusunu dəyişdirəcəyi ilə bağlı gözlənilən qərarı bu gün üçün həssas məsələdir:

“Bu, eyni zamanda hüququdankənar bir qərardır. Qüds İslam dünyası üçün müqəddəs bir şəhərdir. Biz Donald Trampın bu şəhərlə bağlı qərarına təcili olaraq, yenidən baxmasını istəyirik. Yanlış qərarlar düzəldiləsi mümkün olmayan nəticələr doğuracaq”.

Türkiyənin Baş naziri hesab edir ki, bu məsələnin yeganə həll yolu İsrailin 1960-cı illərin sərhədlərinə, Fələstinə aid Şərqi Qüdsdən çəkilməsidir:

“ABŞ səfirliyini Qüdsə köçürmək niyyətində olduğunu bildirir və ya İsrailin paytaxtı olaraq Qüdsü tanıması ehtimalından bəhs edir. Hər iki halda, bu, açığı hüquqdankənar bir qərar olacaq. Bölgədəki mövcud problemlərin həllini daha çıxılmaz vəziyyətə salacaq. Ona görə də nə qədər gec deyil və nə qədər yol yaxındır Donald Tramp qərarına yenidən baxmalıdır. ABŞ prezidentinin bununla bağlı açıqlama verməməsi bölgənin gələcəyi, eləcə də dünyada barışın, sülühün bərqərar olması baxımından həyati əhəmiyətə malikdir”.

Qeyd edək ki, ötən gecə ABŞ Prezidenti Donald Tramp İsrail, İordaniya, Fələstin, Misir və Səudiyyə Ərəbistanı rəhbərliyi ilə müzakirə aparıb. O, Yaxın Şərq ölkələrinin liderlərinə deyib ki, dekabrın 6-da Qüdsü (Yerusəlim) İsrailin paytaxtı kimi tanıya bilər.

Mövzu ilə əlaqədar oxuyun:

Tramp Yerusəlimi İsrailin paytaxtı kimi tanındığını rəsmi elan edəcək

S.Xankişiyeva

 

OXUCULARIN SEÇİMİ
REDAKSİYANIN SEÇİMİ
Türkiyə BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2018 "The First News" İnformasiya Agentliyi,,
Bütün hüquqlar qorunur
entonee.net