1news.az

Baş konsul: Dubayda Azərbaycan Ticarət Evi açılacaq

22 Oktyabr saat 09:53 ~ 2 dəqiqəlik oxu 82
Baş konsul: Dubayda Azərbaycan Ticarət Evi açılacaq

Son iki ay ərzində Birləşmiş Ərəb Əmirliklərindən (BƏƏ) Azərbaycana gələnlərin sayı ikiqat artıb və ölkələrimiz arasında iyul ayından tətbiq edilən yeni viza rejimi yaxın gələcəkdə turistlərin sayını daha da artıracaq.

1news.az xəbər verir ki, bunu Azərbaycanın BƏƏ-dəki baş konsulu Cavidan Hüseynov Gulf News-a müsahibəsində deyib.

Diplomat bildirib ki, Azərbaycan BƏƏ vətəndaşlarını viza rejimini sadələşdirdiyi ölkələrin siyahısına əlavə edib: 

"Hava limanlarında viza əldə edilməsi siyasətinə cari ilin iyulun 26-da başlanılıb. Bundan sonra BƏƏ-dən Azərbaycana turist axını iki dəfə artıb.

İndi BƏƏ vətəndaşlarının  rahatlıqla Azərbaycana səfərləri təşkil edilə və onlar Azərbaycanın aeroportlarından turist vizasını ala bilərlər ".

Baş konsul hazırda Abu-Dabidən, Dubaydan və Şarca şəhərlərindən Bakıya birbaşa aviareyslər həftədə 30-a çatdırıldığını, bunun da biznes dairələri, xalqlar arasında əlaqələrin artırılmasına xidmət etdiyini vurğulayıb. 

C.Hüseynov əlavə edib ki, BƏƏ-də, əsasən də Dubayda təxminən 7 min nəfər azərbaycanlı yaşayır. Onların 10% -i ictimai sektorda, xüsusilə də energetika sahəsində, digərləri turizm, təhsil, media kimi müxtəlif sahələrdə işləyir və öz bizneslərini idarə edir. Azərbaycan ərzaq məhsulları, meyvə və tərəvəz, qoz-fındıq, avtomobil hissələri və yanacaq mühərriklərini BƏƏ-yə ixrac edir və BƏƏ-dən isə elektrik texnikası, nəqliyyat vasitələri və ehtiyat hissələri, kimyəvi maddələr, sürtkü yağları, tikinti materialları və aksesuarlar idxal edir.

İki ölkə arasında ticarətin daha da asanlaşması üçün ilin sonuna qədər Dubayda ticarət ofisinin açılışı olacaq: 

"Ticarət nümayəndəsi artıq təyin edilib, ofis fəaliyyət göstərir. Bu, yeni addım BƏƏ-də Azərbaycan məhsullarının və mallarının təbliğinə yönəlib və əlbəttə ki, əsas məqsəd ölkələrimiz arasında ikitərəfli ticarətin genişləndirilməsidir".

P.Sultanova

 

OXUCULARIN SEÇİMİ
REDAKSİYANIN SEÇİMİ
Siyasət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2018 "The First News" İnformasiya Agentliyi,,
Bütün hüquqlar qorunur
entonee.net