1news.az

BANM və MGİMO arasında Anlaşma Memorandumu imzalanıb

23 Fevral saat 12:08 ~ 2 dəqiqəlik oxu 131
BANM və MGİMO arasında Anlaşma Memorandumu imzalanıb

Bakı Ali Neft Məktəbinin (BANM) rektoru Elmar Qasımov Rusiya Federasiyasının Xarici İşlər Nazirliyinin Moskva Dövlət Beynəlxalq Münasibətlər İnstitutunun (MGİMO) nümayəndə heyəti ilə görüşüb.

1news.az-a BANM-ın İctimaiyyətlə əlaqələr şöbəsindən verilən xəbərə görə, başda MGİMO-nun ümumi işlər üzrə prorektoru Malgin Artem olmaqla nümayəndə heyətinə Azərbaycan Respublikasının Rusiya Federasiyasında ticarət üzrə nümayəndəsi və MGİMO-nun ekologiya və təbii sərvətlər ilə əlaqəli beynəlxalq kompleks problemləri üzrə kafedrasının müdiri Ruslan Əliyev, MBA (biznes idarəçiliyi üzrə magistr proqramı) proqramının rəhbəri Belova Mariya və bu proqramın tələbə və məzunları olan Rusiyanın aparıcı şirkətlərinin rəhbər nümayəndələri daxildirlər.

Bu şirkətlər arasında  PromResurs MMC, “Gazpromneft”  ASC, VYGON Consulting, “Varyeganeft” ASC, “Gazpromneft” v s. kimi neft-qaz sektorunun öndə gedən şirkətləri daxildir. 

Görüşdə rektor Elmar Qasımov qonaqları Ali Məktəbin kampusunda görməkdən məmnun olduğunu bildirərək, MGİMO-nun fəaliyyətini yüksək qiymətləndirib və onun məzunlarının hər zaman seçilən və uğurlu şəxsiyyət olduqlarını bildirib. Daha sonra rektor MGİMO-nun və şirkətlərin nümayəndələrinə BANM-ın tarixi, fəaliyyəti, uğurları haqqında məlumat verib.

MGİMO-nun ümumi işlər üzrə prorektoru Malgin Artem Azərbaycanda BANM kimi ali təhsil müəssisənin olduğunu və Ali Məktəbin qısa dövr ərzində əldə etdiyi uğurları yüksək qiymətləndirdiyini bildirib.

Daha sonra tərəflər arasında iki tanınmış ali təhsil müəssisəsi arasında gələcəkdə nəzərdə tutulmuş əməkdaşlıq istiqamətlərinin detalları müzakirə olunub və buna dair anlaşma memorandumu imzalanıb.

Qonaqlar görüşün sonunda Ali Məktəbin yeni kampusunu gəzərək ordakı yüksək texnoloji laboratoriyalar, tam təchiz edilmiş müasir auditoriyalar və idman kompleksi ilə tanış olublar.

S.Xankişiyeva

 

 

OXUCULARIN SEÇİMİ
REDAKSİYANIN SEÇİMİ
İqtisadiyyat BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2018 "The First News" İnformasiya Agentliyi,,
Bütün hüquqlar qorunur
entonee.net