Bakıda “Koko” filminin ilk nümayişi keçirilir
Bü gün Bakının müxtəlif kino zallarında Pixar-ın istehsalına məxsus Meksika mövzusunda olan “Koko” filminin ilk nümayişi keçirilir.
Bu barədə 1news.az-a Meksikanın Azərbaycandakı səfirliyindən məlumat verilib. Flame Towers-da yerləşən Park Cinema kino zalında bü gün saat 20:00-da baş tutacaq nümayişdə səfirlik də iştirak edəcək.
Filmdə ailəsi ilə Meksikanın kənd yerində yaşayan, musiqi və gitarada ifa etmək arzusu olan on iki yaşlı Miqel adında oğlan uşağından bəhs olunur. Miqel yüzillik sirri ilə əlaqədar olan bir sıra qeyri-adi hadisələrin üstünü açacaq. Baş qəhramanın haradan gəldiyini, ailədə hansı yeri tutduğunu və zaman boyu ailə münasibətlərinin necə qurulduğunu soruşması üçün arxa fonda Ölülər Gününün qeyd olunması baş tutur. Bu, həyatın, ailənin, xatirələrin və müxtəlif nəsillərin bağlılığının qeyd olunmasıdır.
Film Meksika ənənəsi olan “Ölülər Günündən” ilham alır. Kokoda biz Meksikanın tarixi və mədəniyyətinin müxtəlif rəmzi şəxsiyyətlərini görə bilirik: Frida Kalo, Pedro İnfante, Xorxe Neqrete, El Santo, Maria Feliks, Kantinflas və hətta inqilabçı Emiliano Zapata.
Nümayiş olunduğu həftə ərzində film 8,4 milyon dollar gəlir əldə etdi. Nümayişin ilk 10 günü ərzində isə 11 milyon nəfər izləyici ilə 28 milyon dollar gəlir etdiyi Latın Amerika Disney tərəfdinən təsdiqlənir.
Maraqlı məlumat üçün qeyd etmək vacibdir ki, Kokonun ərsəyə gəlməsi 3 il ərzində baş tutub, belə ki, bu müddət ərzində Meksika mədəniyyətini bütövlüklə dərk etmək üçün ölkənin bazarları, meydanları, emalatxanaları, kilsələri, təsərrüfat sahələri və qəbrstanlıqları ziyarət olunub, Ölülər Günün vacibliyi və əsl mənası öyrənilib. Filmin ilham verici məkanlar arasında Mexiko şəhəri, Quanaxuato, San Sesilia və San Andres Miskik panteonu, eyni zamanda Miçoakan ştatında yerləşən Patzkuaro və Xanitsio yer alır.
Azərbaycan tamaşaçlarına bu filmə baxmaq və Meksikanın vacib ənənəsini daha yaxşı tanımaq fürsətini qaçırmamaq tövsiyə olunur.
P.Sultanova
