Bakıda Ermənistanın Belarusun daxili işlərinə qarışdığı hesab edilir | 1news.az | Xəbərlər
Siyasət

Bakıda Ermənistanın Belarusun daxili işlərinə qarışdığı hesab edilir

12:23 - 14 / 11 / 2018
Bakıda Ermənistanın Belarusun daxili işlərinə qarışdığı hesab edilir

Ermənistanın Xarici İşlər Nazirliyinin (XİN) yeni mətbuat katibi bütün diplomatik-etik qaydaları pozaraq, Belarus prezidenti Aleksandr Lukaşenkonu “qeyri-düzgünlükdə” günahlandırıb.

“KTMT-nin daxili məsələlərinin Bakıda müzakirəsi qeyri-düzgündür”, – bunu Ermənistan XİN-in mətbuat xidmətinin rəhbəri Anna Naqdalyan Belarus prezidentinin Azərbaycan səfiri ilə görüşünü müzakirə edərkən deyib.

Qeyd edək ki, Belarus prezidenti Aleksandr Lukaşenko Azərbaycanın bu ölkədəki səfiri Lətif Qəndilovla Astanada KTMT-nın sammiti zamanı görüşüb.

Politoloq İlqar Vəlizadənin 1news.az-a bildirdiyinə görə, Ermənistan XİN rəsmisinin Belorus prezidentinin Azərbaycan səfiri ilə görüşüylə bağlı fikirlərini Belorusun daxili işlərinə qarışması kimi qiymətləndirmək olar.  

“Ermənistanın Xarici İşlər Nazirliyinin səlahiyyətlərinə iki müstəqil ölkənin qarşılıqlı münasibətləti daxil deyil. Xüsusilə də dövlət başçısının digər ölkənin səfiri ilə görüşünü şərh edilməsi. Bundan başqa, bu görüş Ermənistana aid deyildi”, - deyə politoloq qeyd edib.

“Bəli, Aleksandr Lukaşenko bu görüş zamanı KTMT-nın baş katib təsdiq etmədiyindən danışıb. Lakin bu halda o, təşkilatdakı vəziyyəti nəzərədə tutub, Ermənistanı deyil”, - deyə İ.Vəlizadə bildirib.

Onun sözlərinə görə, əgər Ermənistan XİN-in məntiqinə söykənsək, o zaman Belorus prezidentinin Azərbaycan səfiri ilə görüşünü Qazaxıstan XİN, Rusiya və KTMT-yə daxil digər dövlətlər də şərh etməli idi. Lakin bu dövlətlər bunu norma hesab edərək müzakirə etmədi:  

“Ermənistan XİN nümayəndəsinin ölkənin KTMT-yə 2015-2016-cı illərdə sədrliyinin “uğurunu” xatırlasaq, bu illər ərzində Ermənistan təşkilatı yalnız Azərbaycanla qarşıdurmaya sövq etməklə məşğul idi. 2016-cı ilin aprel döyüşləri zamanı Ermənistan rəhbərliyi KTMT-yə müraciət edərək münaqişəyə müdaxilə etmək istəyirdi, eləcə də Belarus və Qazaxıstanın ünvanına tənqidlər səsləndirirdi. Məhz Ermənistanın KTMT-yə sədrliyi dövründə təşkilata üzv dövlətlərlə onun münasibətləri əhəmiyyətli dərəcədə soyuqlaşdı”.

Politoloq sözlərinə əlavə etdi ki, bu gün də Ermənistan bu təcrübədən imtina etməyərək həmin  siyasəti yürüdür və KTMT-nın daxilində böhran yaratmaqda davam edir.

Onun sözlərinə görə, Yerevanın bu hərəkətləri Minsk, Astana hətta Moskvanı qıcıqlandırmaya bilməz, əgər Ermənistan yerində oturdulmazsa, onun fəaliyyəti KTMT ilə böyük böhranlara yol aça bilməz:

“Ermənistanı KTMT-yə üzv bütün dövlətlərlə Azərbaycanın sıx münasibətləri qıcıqlandırır. Və buna görə də Bakını qəzəbləndirmək üçün Yerevan təşkilatda böhran təhrik edir. Əgər Ermənistan təşkilatla qarşıdurmanı davam etdirərsə, yaxşı olar ki, oranı tərk etsin. Lakin Ermənistanın nə ehtiyatları, nə də siyasi iradəsi yoxdur ki bu addımı atsın”.

Qeyd edək ki, Belarusun Xarici İşlər Nazirliyi Ermənistan XİN-in mətbuat xidmətini rəhbərinin bəyanatına şərh verməkdən imtina edib. 1news.az-ın Ermənistan XİN-in mətbuat xidmətinin rəhbəri Anna Naqdalyanın fikirləri ilə bağlı sualına Belorus XİN-in İnformasiya və rəqəmsal diplomatiya idarəsinin rəhbəri Anatoliy Qlaz bildirib:

“Biz bu bəyanatı şərh etməyə hazırlaşmırıq”.

Yerevan Lukaşenkonu “yalnışlıqda” ittiham edib

Lukaşenko: Minsk KTMT baş katibi vəzifəsinə üç namizəd təqdim etməyə hazırdır

Xaçaturov Yerevana qayıdıb

S.Xankişiyeva

 

 

Paylaş:
625

Son xəbərlər

Azərbaycan-İraq əlaqələrinin inkişafı müzakirə olunub - FOTO18 / 03 / 2024, 21:05Zəngilan, Cəbrayıl və Qubadlıda sənaye zonaları yaradılacaq18 / 03 / 2024, 17:45Martın 1-dən 15-dək 19 mindən çox vətəndaş Elm və Təhsil Nazirliyinə müraciət edib18 / 03 / 2024, 17:33Ceyhun Bayramov Çanaqqala zəfərinin ildönümü münasibətilə Türkiyəni təbrik edib18 / 03 / 2024, 17:11Ötən həftə azad olunmuş ərazilərdə 38 mina aşkarlanıb18 / 03 / 2024, 17:02Süni intellekt əvəzinizə mahnı yaradacaq - FOTO18 / 03 / 2024, 16:48“Ali Məhkəmənin tətbiq etdiyi yeni sistem hamı üçün faydalıdır” – RƏYLƏR18 / 03 / 2024, 16:34Cənubi Qafqazın sülh təşəbbüskarları18 / 03 / 2024, 16:34Böyük Britaniya kralı III Çarlz vəfat edib18 / 03 / 2024, 16:20“Gənclik” metrostansiyasının yanında yeni nəqliyyat mübadilə mərkəzi yaradılıb18 / 03 / 2024, 16:13İlham Əliyev Xankəndinin Azərbaycan torpağı olması ilə bağlı bir sıra faktları açıqlayıb18 / 03 / 2024, 16:04Xankəndinin mərkəzi meydanına “Zəfər meydanı” adı verilib18 / 03 / 2024, 15:58İraq Respublikasının Prezidenti Azərbaycan nümayəndə heyətini qəbul edib - FOTO18 / 03 / 2024, 15:48Tamstore 25-ci marketini açır – işçi sayı 1200-ü keçdi18 / 03 / 2024, 15:41İlham Əliyev Novruz bayramı münasibətilə Azərbaycan xalqını təbrik edib18 / 03 / 2024, 15:38Silk Way West Airlines daha bir Boeing 777 Freighter ilə donanmasını yeniləməyə davam edir18 / 03 / 2024, 15:33İran, Belarus və Rusiyadan Azərbaycana gətirilən qidalarda uyğunsuzluqlar aşkarlanıb18 / 03 / 2024, 15:20Ceyhun Bayramov ABŞ Dövlət Departamentinin Qafqaz danışıqları üzrə baş müşaviri ilə görüşüb18 / 03 / 2024, 15:12Bayramda Xaqani parkına yaxın bəzi küçələrdə hərəkətə məhdudiyyət qoyulacaq18 / 03 / 2024, 14:58Bakıda mənzildən meyit tapılıb18 / 03 / 2024, 14:49
Bütün xəbərlər