1news.az

Bakı Forumunda “İnternetin üstünlükləri və yaratdığı çətinliklər” adlı panel keçirilib - FOTO

16 Mart saat 22:50 ~ 1 dəqiqəlik oxu 81
Bakı Forumunda “İnternetin üstünlükləri və yaratdığı çətinliklər” adlı panel keçirilib - FOTO

Altıncı Qlobal Bakı Forumu çərçivəsində “İnternetin üstünlükləri və yaratdığı çətinliklər” mövzusunda tədbir keçirilib.

1news.az AZƏRTAC-a istinadən xəbər verir ki, tədbiri açan Nizami Gəncəvi Beynəlxalq Mərkəzinin həmsədri İsmail Serageldin Forum çərçivəsində aparılan bütün müzakirələrin xüsusi önəm kəsb etdiyini və çox aktual mövzulara həsr olunduğunu söyləyib. O bildirib ki, müzakirələr zamanı çox faydalı ideyalar, təkliflər səslənir. Forumun aktual mövzularından biri də “İnternetin üstünlükləri və yaratdığı çətinliklər”dir.

Tədbirdə çıxış edən “Google” şirkətinin vitse-prezidenti Vinton Serf mövzunun doğrudan da çox aktual olduğunu söyləyib. O, internetin yaranma tarixindən, onun yayılmasından, müsbət və mənfi tərəflərindən danışıb. Qeyd edib ki, bu gün insan həyatının hər bir sahəsinə təsir göstərən kibertəhlükəsizlik bütün dünyada gündəmdə olan əsas məsələlərdən biridir.

Vinton Serf, həmçinin müasir texnologiyaların, müxtəlif innovasiyaların cəmiyyətə təsiri, eləcə də sosial şəbəkələr, kriptovalyutalar barədə fikirlərini bölüşüb, “Google” şirkətinin fəaliyyəti, aparılan son islahatlar barədə məlumat verib, sualları cavablandırıb.

1news.az

OXUCULARIN SEÇİMİ
REDAKSİYANIN SEÇİMİ
Siyasət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2018 "The First News" İnformasiya Agentliyi,,
Bütün hüquqlar qorunur
entonee.net