Azərbaycanla Avropa İttifaqı arasında danışıqların növbəti mərhələsi keçirilir
Azərbaycanla Avropa İttifaqı arasında strateji tərəfdaşlıq sazişi üzrə danışıqların növbəti mərhələsi bu gün keçirilir.
1news.az xəbər verir ki, bunu Avropa İttifaqının Azərbaycandakı nümayəndəliyinin rəhbəri səfir Kestutis Yankauskas deyib. O, bildirib ki, danışıqlar sazişin sektorial sahəsi üzrə videokonfrans vasitəsilə keçirilir.
Səfir vurğulayıb ku, digər sahələr, o cümlədən saziş üzrə siyasi danışıqlar üçün tarix müəyyənləşməkdədir:
“Danışıqların növbəti raundu Bakıda keçiriləcək və Brüsseldən bura nümayəndə heyəti gələcək. Müzakirələrin ən yaxın vaxtda baş tutacağına ümid edirik”.
Kestutis Yankauskas vurğulayıb ki, saziş üzrə danışıqlar bu il başa çata bilər: “Tezliklə sazişin başa çatdırılması üçün intensiv işləməyə hazırıq. Bu il müzakirələrin bitəcəyinə ümid edirəm”.
P.Sultanova
