Azərbaycan, Ermənistan və Rusiya XİN rəhbərlərinin görüşü həmsədrlərin iştirakı ilə davam edir - YENİLƏNİB
Moskvada Azərbaycan, Ermənistan və Rusiyanın xarici işlər nazirləri Elmar Məmmədyarov, Zöhrab Mnatsakanyan və Sergey Lavrov arasında başlayan görüş ATƏT-in Minsk qrupu həmsədrlərinin iştirakı ilə davam etdirilir.
1news.az bu barədə Azərbaycan XİN-in Tvitter səhifəsinə istinadla xəbər verir.
Görüşdə ATƏT-in fəaliyyətdə olan sədrinin şəxsi nümayəndəsi Anjey Kaspişik də iştirak edir.
P.Sultanova
12:45
Moskvada Azərbaycan, Ermənistan və Rusiyanın xarici işlər nazirləri Elmar Məmmədyarov, Zöhrab Mnatsakanyan və Sergey Lavrov arasında görüş başlayıb.
1news.az bu barədə Azərbaycan XİN-in "Tvitter" səhifəsinə istnadla xəbər verir.
Tərəflər Dağlıq Qarabağ münaqişəsinin nizamlanması məsələlərini müzakirə edəcəklər.
Qeyd edək ki, cari ilin 29 mart tarixində Azərbaycan Prezidenti və Ermənistan baş naziri arasında Vyanada ilk rəsmi görüş keçirilib.
Görüşdən sonra Azərbaycan və Ermənistan xarici işlər nazirləri və həmsədrlər tərəfindən birgə beştərəfli bəyanat verildi.
P.Sultanova