1news.az

AXC-nin 100 illiyi "Böyük Çöl" Beynəlxalq Humanitar Forumunda qeyd olunacaq

17 İyun saat 15:22 ~ 1 dəqiqəlik oxu 15
AXC-nin 100 illiyi

Astanada iyunun 18-də Beynəlxalq Türk Akademiyası (TWESCO) tərəfindən ənənəvi təşkil olunan III "Böyük Çöl" Beynəlxalq Humanitar Forumu çərçivəsində Azərbaycan Xalq Cümhuriyyətinin 100 illik yubileyi qeyd olunacaq.

1news.az xəbər verir ki, Qazaxıstan Prezidenti Nursultan Nazarbayev tərəfindən irəli sürülən "Gələcəyə doğru: Mənəvi yenilənmə" proqramı və Astananın paytaxt elan olunmasının 20 illiyinə həsr olunan Forumun açılış mərasimində Qazaxıstan Respublikasının Dövlət katibi Gülşara Abdıkalıkova, BMT Təhsil, Elm və Mədəniyyət Təşkilatı (UNESCO), İslam Təhsil, Elm və Mədəniyyət Təşkilatı (ISESCO), İqtisadi Əməkdaşlıq Təşkilatı Elm Fondu (ECOSF), Türkdilli Dövlətlərin Əməkdaşlıq Şurası (Türk Şurası) və Türkdilli Dövlətlərin Parlament Assambleyası (TürkPA) kimi beynəlxalq təşkilatların rəhbərləri və səlahiyyətli nümayəndələri iştirak edəcəklər. Bununla yanaşı, Foruma diplomatlar, dövlət və ictimai xadimlər, nüfuzlu araşdırma mərkəzlərinin rəhbərləri, aparıcı elm xadimləri və tədqiqatçılar da qatılacaqlar.

Forum çərçivəsində TWESCO tərəfindən son illər nəşr olunan kitabların sərgisi təşkil ediləcək.

1news.az 

OXUCULARIN SEÇİMİ
REDAKSİYANIN SEÇİMİ
Siyasət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2018 "The First News" İnformasiya Agentliyi,,
Bütün hüquqlar qorunur
entonee.net