1news.az

“Aviation Wire”: Bakıdan Yaponiyaya növbəti birbaşa reys açılacaq

7 Dekabr saat 22:09 ~ 1 dəqiqəlik oxu 132
“Aviation Wire”: Bakıdan Yaponiyaya növbəti birbaşa reys açılacaq

Yaponiyanın “Aviation Wire” saytının yaydığı məlumata görə, dekabrın 29-dan başlayaraq Azərbaycanın “Silk Way West Airlines” aviaşirkəti Yaponiyanın Kansay aeroportuna yük təyyarələrinin birbaşa uçuşunu təşkil edəcək.

1news.az AZƏRTAC-a istinadən xəbər verir ki, həftədə bir dəfə, cümə günlərində reallaşacaq reyslər Bakıdan Osakaya uçacaq.

Məlumatda qeyd edilir ki, İpək yolunun üzərində yerləşən Azərbaycan Asiya ilə Avropa arasında yükdaşımalarında mühüm rol oynayan strateji əhəmiyyətli nəqliyyat qovşağıdır. Bakıdan Osakaya 7L608 reysini həyata keçirəcək təyyarə səhər saat 5:00-da havaya qalxacaq və yerli vaxtla saat 19:00-da Osaka aeroportuna enəcək. Reysi həyata keçirmək üçün şirkətə məxsus 113 ton yükgötürmə qabiliyyətinə malik “Boeing 747-400” və ya 134 ton yükgötürmə qabiliyyətinə malik “Boeing 747-8F” təyyarələrindən istifadə ediləcək.

Əlavə olaraq bildirilir ki, Azərbaycandan Yaponiyanın Komatsu aeroportuna artıq iki ildir ki, birbaşa yük təyyarələri uçur.

1news.az

OXUCULARIN SEÇİMİ
REDAKSİYANIN SEÇİMİ
İqtisadiyyat BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2018 "The First News" İnformasiya Agentliyi,,
Bütün hüquqlar qorunur
entonee.net