Almaniyada sosial şəbəkələrdə hüquqların qorunması ilə bağlı qanun qüvvəyə minib | 1news.az | Xəbərlər
Dünya

Almaniyada sosial şəbəkələrdə hüquqların qorunması ilə bağlı qanun qüvvəyə minib

20:56 - 17 / 01 / 2018
Almaniyada sosial şəbəkələrdə hüquqların qorunması ilə bağlı qanun qüvvəyə minib

Əgər siz Almaniyada küçədə gedərkən sizi təhqir etsələr, bununla əlaqədar polisə müraciət edə bilərsiniz. Küçənin rəqəmsal analoqu olan sosial şəbəkədə də eyni məntiqlə hərəkət etmək olar. Lakin Almaniyada sosial şəbəkələrdə hüquqların qorunması barədə qanunu hazırlayanlar başqa prinsipi əsas götürüblər. Onlar böhtançıların, başqalarını incidənlərin, insanlar arasında ayrı-seçkilik və nifrət təbliğ edənlərin öhdəsindən gəlmək məsələsini sosial şəbəkələrin özlərinə həvalə ediblər.

1news.az-ın AZƏRTAC-a istinadən verdiyi xəbərə görə, MDB ölkələrində analoji qanun layihələrinin müəllifləri birbaşa alman təcrübəsinə istinad edirlər.

Yeni qaydalar qeydiyyata alınmış istifadəçilərinin sayı iki milyondan çox olan sosial şəbəkələrə şamil edilir. Hələlik AFR hökuməti həmin qanuna əməl etməli olan yeddi sosial şəbəkə seçib: Facebook, YouTube, Instagram, Twitter, Google+, Pinterest və Soundcloud. Peşəkar sosial şəbəkələr və messencerlər bu siyahıya daxil edilməyib.

Qanunverici bu ilin əvvəlindən həmin şirkətlərə tapşırıb ki, “açıq-aşkar hüquqazidd” xarakterli materialları 24 saat ərzində sosial şəbəkədən silsinlər. Söhbət böhtan, hədə-qorxu, etnik ayrı-seçkiliyə və zorakılığa çağırış məzmunlu materiallardan gedir. Almaniya Ədliyyə Nazirliyinin fikrincə, bu cür materialların hüquqazidd olmasını iddia etmək üçün ciddi yoxlamalar aparılmasına ehtiyac yoxdur. Buna şübhə yarandığı hallarda məsələnin araşdırılması üçün sosial şəbəkəyə yeddi günə qədər vaxt verilə bilər.

Bəzi istifadəçilərin yazdığı postdan əvvəllər də şikayət etmək olardı, lakin indi sosial şəbəkələr bunun üçün xüsusi formulyar işləyib hazırlayıblar. Şikayətçi həmin formulyarda hansı postu təhqiramiz hesab etdiyini və onun fikrincə, bu postun qanunun formulyarda sadalanan iyirmi maddəsindən hansına uyğun gəldiyini göstərməlidir. Əgər sosial şəbəkə şikayətə cavab verməsə, şikayətçi Ədliyyə Nazirliyinə müraciət edə bilər. Nazirlik bu halın yeganə olmadığını və şirkətin sistem problemi olmasını müəyyən edərsə, həmin şirkəti 50 milyon avroya qədər cərimə gözləyir.

1news.az

Paylaş:
547

Son xəbərlər

Deputatdan TƏKLİF: “Təcili tibbi yardım helikopterləri alınsın”Bu gün, 12:54Azərbaycan cəmiyyəti işğalda olan kəndlərin azad ediləcəyinə inanır? - SORĞUBu gün, 12:41Şənbə günü hava necə olacaq?Bu gün, 12:38Ramazan bayramı günlərində Bakı-Qəbələ qatarları hər gün hərəkətdə olacaqBu gün, 12:28Qızıl və gümüşün bahalaşması davam edirBu gün, 12:21İctimai-iaşə obyektlərinin sahiblərinə çağırışBu gün, 12:15“N” hərbi hissəsində komanda-qərargah təlimi keçirilib - FOTOBu gün, 12:14Siyavuş Novruzov: “Bəzi şəxslər Azərbaycanda da terrorun olmasını istəyirdi”Bu gün, 12:02Növbəti köç karvanı Füzuliyə çatıb - YENİLƏNİBBu gün, 11:55Azərbaycanda ötən gün 50 kiloqramdan artıq narkotik aşkarlanıbBu gün, 11:51FHN: Ötən sutka 39 yanğına çıxış olub, 57 nəfər təxliyə edilibBu gün, 11:39Sahibə Qafarova iclasda erməni həmkarı ilə görüşündən danışdıBu gün, 11:29Azərbaycan Mərkəzi Bankının valyuta məzənnələriBu gün, 11:20Azərbaycanlı şagird Harvard Universitetinə qəbul olubBu gün, 11:18PAŞA Qrup şirkətləri tərəfindən Novruz bayramı ərəfəsində növbəti sosial aksiya keçirilib - FOTOBu gün, 11:09Milli Məclisin iclası başlayıb, 21 məsələ müzakirə olunacaq - SİYAHIBu gün, 11:02Quş qripi xəstəliyinə qarşı epizootoloji monitorinq keçiriləcəkBu gün, 10:56Azərbaycanda ilk sosial televiziya fəaliyyətə başlayacaqBu gün, 10:44Xankəndidə avtomat və qumbaralar aşkarlanıbBu gün, 10:35Ombudsman 31 Mart – Azərbaycanlıların Soyqırımı Günü ilə əlaqədar bəyanat yayıbBu gün, 10:23
Bütün xəbərlər