1news.az

Adnan Oktarın daha bir qurbanı danışdı

16 İyul saat 09:30 ~ 2 dəqiqəlik oxu 728
Adnan Oktarın daha bir qurbanı danışdı

Türkiyədə saxlanılan, özünü din xadimi kimi təqdim edən Adnan Oktarla bağlı daha bir məşhur sima danışıb.

1news.az-ın türk mətbuatına istinadla verdiyi xəbərə görə, keçmiş model Ebru Şimşek səssizliyini pozaraq Oktarla bağlı açıqlama verib.

“İllərdir Adnan Oktarın əməllərinin üstünün açılması ilə mübarizə aparıram. Nəhayət, cəzasını aldı. Onun ən böyük qurbanı mənəm. Əslində 19 il deyilir, amma mənim mübarizəm 25 ildir davam edir. 18 yaşımdan təkbaşına Adnan Oktarla mübarizə aparıram. 25 il əvvəl nələr dedimsə, bu gün hamısı gerçəkləşdi. Bütün günüm məhkəmələrdə keçirdi. Amma haqqımda edilən 300 şikayətin hamısından təmiz çıxdım”, - deyə, Ebru bildirib.

Model bildirib ki, Adnan onu hər zaman şantaj edib. 18 yaşında ən məşhur modellərdən biri olub. Amma Adnan Oktara görə işini görə bilməyib. Çünki tez-tez polis idarəsinə aparılır, haqqında şikayətlər olduğu deyilirdi. "Mənə dedi ki, səni televiziyada və qəzetlərdə gördüm. Çox bəyəndim, gecə geyimini də götür gəl və mənimlə yaşa. Sənə "Jaguar" alacam, "Versace"dən ucuz brend geyinməyəcəksən. Mən də qəbul etmədim və hər şey buradan başladı. ABŞ-da ailəmlə yaşayıram, çox xoşbəxtəm. Bu gün olanlara çox sevindim. Haqq yerini tapdı" deyə, keşmiş model sözlərini tamamlayıb.

Qeyd edək ki, Oktar Türkiyəyə aid gizli sənədləri və məlumatları MOSSAD vasitəsilə İsrailə ötürmə, kiçik qız uşaqlarına təcavüz və mütəşəkkil cinayətlər, çirkli pulların yuyulması, casusluq, şəxsi həyatın gizliliyini pozma və bir sıra digər maddələrlə ittiham olunur.

“Kediciklərin” hocası Adnan Oktar kimdir? – FOTO – VİDEO

Adnan Oktarın şəbəkəsi barədə yeni faktlar – FOTO

S.Xankişiyeva

 

 

OXUCULARIN SEÇİMİ
REDAKSİYANIN SEÇİMİ
Dünya BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2018 "The First News" İnformasiya Agentliyi,,
Bütün hüquqlar qorunur
entonee.net