ABŞ Senatın komitəsində Azərbaycan üzrə səfirlə bağlı səsvermə keçiriləcək
Dekabrın 13-də ABŞ Senatının Beynəlxalq Əlaqələr Komitəsində Azərbaycan və Ermənistandakı səfir vəzifələrinə namizədlərlə bağlı səsvermə keçiriləcək.
1news.az xəbər verir ki, bu barədə komitənin rəsmi saytı məlumat yayıb.
Earle Litzenberger ABŞ-ın Azərbaycana və Linn Treysinin isə Ermənistana səfiri vəzifəsinə namizəddirlər.
Onların komitədə namizədlikləri təsdiqləndiyi halda, son dinləmələr Senatda keçiriləcək.
Xatırladaq ki, Earle Litzenberger daha əvvəl Almaniya Marşal Fondunda, ABŞ-ın NATO-dakı missiyasında, NATO-nun Əfqanıstan üzrə ali mülki nümayəndəliyində, ölkəsinin Serbiyadakı, Qırğızıstandakı səfirliklərində çalışıb. ABŞ Dövlət Departamentinin Hərbi-Siyasi Məsələlər Bürosunda baş müşavirdir.
Fransız, rus, serb və bolqar dillərini bilir.
Bir müddət əvvəl Amerika Erməni Milli Komitəsi ABŞ-ın Azərbaycandakı səfiri vəzifəsinə namizədlə bağlı səsvermənin təxirə salındığını iddia etmişdi.
1news.az