ABŞ-ın Ermənistandakı səfiri: İşğal edilmiş ərazilər Azərbaycana qaytarılmasa...
İşğal olunmuş ərazilərin müəyyən hissəsi Azərbaycana qaytarılmadan Dağlıq Qarabağ münaqişəsi həll edilə bilməz.
1news.az erməni mətbuatına istinadla xəbər verir ki, bunu ABŞ-ın Ermənistandakı səfiri Riçard Mills deyib.
O bildirib ki, erməni xalqı hansı həll variantına hazır olduğuna dair qərar verməlidir:
"Buraya ilk dəfə gəldiyimdə mən ermənilərin əksəriyyətinin işğal olunmuş ərazilərin danışıqlar prosesinin bir hissəsi kimi qayıtmasına qarşı qətiyyətlə çıxış etmələrinə təəccübləndim. Ermənistanda məqbul həll yolları, yaxud mümkün kompromislər haqqında demək olar ki, heç bir müzakirə aparılmaması faktı məni təəccübləndirir”.
Onun sözlərinə görə, reallıq ondan ibarətdir ki, hər hansı bir nizamlanma işğal olunmuş ərazilərin müəyyən bir hissəsinin qaytarılmasını tələb edəcəkdir.
P.Sultanova
