1news.az

2018-ci ildə Gəncədə doğulan ilk körpə oğlan olub

1 Yanvar saat 18:10 ~ 1 dəqiqəlik oxu 278
2018-ci ildə Gəncədə doğulan ilk körpə oğlan olub

2018-ci ilin birinci günündə Gəncədə doğulan ilk körpə oğlan olub.

Gəncə Regional Perinatal Mərkəzin mama-ginekoloqu Mənzər Məmmədova AZƏRTAC-ın bölgə müxbirinə müsahibəsində bildirib ki, Yeni il axşamı həkimlər tərəfindən ikisi oğlan, üçü qız olmaqla ümumilikdə beş doğuş qəbul edilib.

Şəmkir rayonunun Bayramlı kənd sakini 1992-ci il təvəllüdlü Gülnaz Əmiraslanova yanvarın 1-də saat 00:30 radələrində ailənin ikinci övladı olan oğlan uşağını dünyaya gətirib. Çəkisi 3 kiloqram, boyu 50 santimetr olan körpə tam sağlamdır.

Gəncə şəhər sakini 1994-cü il təvəllüdlü Sevinc Hüseynova isə yanvarın 1-də saat 08:15 radələrində ailənin ilk övlad payı olan qız uşağını dünyaya gətirib. Çəkisi 3,2 kiloqram, boyu 50 santimetr olan körpə tam sağlamdır.

İşlərinin məsuliyyətli, lakin şərəfli olduğunu deyən Mənzər Məmmədova bildirib ki, yenicə istifadəyə verilən və ən müasir tibbi avadanlıqla təchiz edilən Gəncə Regional Perinatal Mərkəzdə doğuş keçirən bütün anaların və dünyaya gələn körpələrin vəziyyəti normaldır.

1news.az

OXUCULARIN SEÇİMİ
REDAKSİYANIN SEÇİMİ
Cəmiyyət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2018 "The First News" İnformasiya Agentliyi,,
Bütün hüquqlar qorunur
entonee.net