Zaxarova: Lavrov Bakıda Qarabağ münaqişəsini müzakirə edəcək
Azərbaycan və Ermənistan ATƏT-in Minsk qrupunun həmsədrlərinin köməyi ilə xalqları sülhə hazırlamaq üçün konkret addımlar atmalıdırlar.
1news.az xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova deyib.
"Bu, konkret addımlardan ibarət kompleks tədbirlərdir. Bu addımların işlənməsi lazımdır. ATƏT-in Minsk qrupu həmsədrlərinin köməkliyi ilə bununla tərəflər məşğul olmalıdırlar”, Zaxarova deyib.
Həmçinin, o, Dağlıq Qarabağ münaqişəsinin nizamlanması üzrə aktiv təmasları, sonuncu Milan və Sankt-Peterburq görüşlərini şərh edib:
“Əlbəttə dialoq var. Sözsüz. Burada heç bir rəsmi bəyanat lazım deyil, çünki aydındır ki, qeyd olunan sənədlər qəbul olunduqdan və sözügedən əlaqələrdən sonra açıq bir dialoq var, bu, aparılır. Rusiya tərəfi həmsədr dövlət olaraq əsas məqsədə nail olmaq üçün müsbət dinamikanın inkişafına kömək edəcəyik".
O, Lavrovun Bakıya səfəri zamanı da Dağlıq Qarabağ münaqişəsinin müzakirə ediləcəyini vurğulayıb:
"Rusiya xarici işlər nazirinin bölgəyə, Bakıya və İrəvana səfərləri zamanı Dağlıq Qarabağ münaqişəsinin həlli həmişə əsas mövzulardan biri olub. Bu, əlbəttə ki, Rusiyanın həmsədr dövlət olması və bu mövzunin hər iki ölkə üçün əsas olması ilə bağlıdır".
P.Sultanova
