Vergilər Nazirliyi və İmza Qrup birgə “100 Uğurlu imza“ layihəsinə qəbul elan edir
Vergilər Nazirliyinin Tədris Mərkəzi və İmza Qrup birgə “100 Uğurlu imza“ layihəsi çərçivəsində ödənişsiz ACCA təlimlərinə qəbul elan edir.
Azərbaycan Respublikası Prezidentinin 2016-cı il 6 dekabr tarixli Fərmanı ilə təstiq edilmiş Azərbaycan Respublikasının milli iqtisadiyyat perspektivi və iqtisadiyyatın əsas sektorlarının inkişafına dair Strateji Yol Xəritələrin qarşısına qoyduğu mühüm vəzifələrin yerinə yetirməsi, kiçik və orta sahibkarlığın inkişafı, şəffaflığın daha da artırılması, nağdsız əməliyyatların stimullaşdırılması maliyyə və mühasibatlıq səhəsində savadlı gənc mütəxəssislərin formalaşdırılması zərurət yaradır.
Dünyada geniş tətbiq sahəsini tapmış ACCA proqramı, BMT və Dünya Bankı tərəfindən maliyyə və muhasibatlıq sahələrində qlobal ixtisaslaşdırma təməli kimi tövsiyyə olunur. Həmçinin, ACCA proqramı dünyanın audit firmalar və nəhəng korporasiyalar tərəfindən tanınaraq biznesin müxtəlif sahələrində karyera inkişafı yollarının seçilməsi üçün zəmin yaradır.
Birgə layihə 100 cavan və bacarıqlı insanları beynəlxalq ixtisasın alınması üçün onları ruhlandırmaq və motivasiya etmək məqsədini daşıyır.
Uğurla imtahanlardan keçən və sertifikatlara nail olan layihə iştrakçıları işəgötürənin qarşısında rəqabət üstünlüyu əldə edəcəklər.
ACCA ixtisasının əldə edilməsi 3-4 il orta müddəti olan və 14 imtahandan ibarət çətin və mürəkkəb yoldur. Bu yetərincə bahalı proses olduğundan bir çox istedadlı gənc bu ixtisası əldə etmək arzusundan imtina etməli olur.
Ölkəmizdə öz peşəkar inkişafını görən və gələcəyini Azərbaycanla bağlayan hər bir gənc üçün “100 Uğurlu imza” real şans yaradır.
Proqram çərçivəsində aparıcı şirkətlərin rəhbərləri ilə master-klass formatında görüşlər və namizədlərin hərtərəfli inkişafı və formalaşması üçün əlavə təlimlər də nəzərdə tutulur.
Layihə üçün ölkəmizin müasir gəncləri sırasından 100 bacarıqlı namizəd seçiləcək. Təlimlər İmza Qrup şirkətinin tədris mərkəzində təcrübəli təlimçilər tərəfindən tədris olunacaq. Təlimlərin nəticəsində Vergilər Nazirliyinin Tədris mərkəzində rəsmi imtahanlar keçiriləcək.
Ümid edirik ki, “100 Uğurlu imza” layihəsi bacarıqlı gənclər üçün yeni biliklərin əldə edilməsi, birgə layihələrin həyata keçirilməsi, gələcək işəgötürənlərlə görüşlərin keçirilməsi və yeni biznes birliyinin formalaşması üçün bünövrəyə çeviriləcəkdir.
Qeydiyyatdan keçmək üçün müraciət formasını doldurmaq və tərcümeyi-hal göndərmək kifayətdir.
Müraciyət Forması:
AZ: https://goo.gl/forms/FbKmxUpvK2GKiP753
ENG: https://goo.gl/forms/NI6wmyQX7GdtVtdF3
RUS: https://goo.gl/forms/BzWMQD9LuN8A5H0L2
Tərcümeyi-hal [email protected] və [email protected]öndərilməlidir. Məktubun başlığında“100 Uğurlu imza” qeyd olunmalıdır.
Əlavə məlumat üçün (+99412) 310-09-08, (+99470) 270-46-92 Pərvin Ələkbərova, (+99470) 249-46-92 Nigar Sariyeva.
Qeydiyyat üçün son tarix: 5 iyun 2017.
Reklam hüququnda
