Şaurma 40 günlük evliliyin dağılmasına səbəb oldu
Misirdə gənc qadın nikahdan 40 gün sonra boşanma haqqında iddia qaldırıb.
1news.az xarici mətbuata istinadla xəbər verir ki, buna səbəb həyat yoldaşının son dərəcə xəsis olması və ona şaurma almaqdan imtina etməsidir.
Qız valideynlərinin razılığı əsasında ailə həyatı qurub. Evliliyin ilk günlərində normal yaşayıblar, daha sonra isə qadın ərinin onunla birgə gəzintiyə çıxmaq istəməməsini müşahahidə edib.
"Ənənəyə görə bizi valideynlərimiz tanış edib. Mən onu toydan bir neçə ay öncə görmüşəm və nə dərəcədə xəsis olduğunun fərqinə varmamışdım. Sonra müəyyən etdim ki, o, heç bir yerə getməyi xoşlamır, çünki bunu pul itkisi sayır", - deyə qadın bildirib.
Nəhayət gənc qadın ərini gəzintiyə çıxamağa razı sala bilir. O, ac olduğunu və şaurma istədiyini desə də, kişi almaqdan imtina etdi və artıq şirə aldığını deyib. Bundan sonra qadın boşanma iddiası qaldırıb.
Kişi isə öz növbəsində həyat yoldaşını "var-dövlətinə sahib olmaq" cəhdində günahlandırıb.
