Qəribə hadisə - Həkimlər xəstənin ayağını tərs tikdilər - FOTO - VİDEO

Türkiyənin Konya şəhərində ağır qəza keçirən 24 yaşlı Fevzi Aktaş adlı gənc üzərində nadir əməliyyatlardan biri edilib.

1news.az xəbər verir ki, sol ayağının bud nahiyəsində qırıqlar olan gənc bir neçə dəfə əməliyyat keçirilib.

Lakin, infeksiya meydana gəldiyi üçün həkimlər onun ayağının bir hissəsini kəsmək məcburiyyətində qalıblar.

Səlcuq Universiteti Tibb Fakültəsi Xəstəxanasında həkimlər F.Aktaşın protezi rahat istifadə edə bilməsi üçün qeyri-adi üsullardan birini etmək məcburiyyətində qalıblar. Belə ki, ayağın sağlam qalmış hissəsi 180 dərəcə tərs tikilməli idi. Bunun üçün öncə xəstənin razılığı alınıb və əməliyyat uğurlar icra edilib.

Həkim Mehmet Ali Acar bildirib ki, əgər bu metoddan istifadə edilməsəydi xəstənin bud sümüyü də kəsiləcəkdi və bundan sonrakı həyatında protez istifadə edə bilməsi də çətinləşəcəkdi. Lakin, indiki vəziyyətdə protezdən istifadə edə bilməsində heç bir maneə yoxdur.

F.Aktaş da əməliyyatdan razı qalıb və həkimlərə təşəkkür edib.

Fərid Ədalət

Bacağı 180 Derece Ters Dikildi by ihacomtr