Putin: Moskva Suriyaya hücumu ciddi şəkildə qınayır
Rusiya ABŞ-ın Suriyaya raket zərbəsi endirməsi səbəbindən BMT Təhlükəsizlik Şurasının təsili iclasını çağırır.
1news.az-ın RİA Novosti-yə istinadla verdiyi xəbərə görə, bu bəyanatla Rusiya Prezidenti Vladimir Putin çıxış edib.
“Rusiya ABŞ və müttəfiqlərinin təcavüzkar fəaliyyətini müzakirə etmək üçün BMT Təhlükəsizlik Şurasının təcili iclasını çağırır”, - deyə Kremlin mətbuat xidməti Vladimir Putinin sözlərini sitat gətirib.
Rusiya Prezidenti qeyd edib ki, Moskva Suriyaya hücumu ciddi şəkildə qınayır. ABŞ öz hərəkətləri ilə Suriyada humanitar fəlakəti daha da dərinləşdirir, dinc əhalini əzablara düçar edir, bu ölkədən və bütövlükdə regiondan qaçqınların yeni dalğasının yaranmasına rəvac verir.
Rusiya lideri, həmçinin hesab edir ki, Suriyada vəziyyətin gərginləşməsi beynəlxalq münasibətlərin bütün sisteminə dağıdıcı təsir göstərir. Moskvanın fikrincə, Suriya hökumətinin kimyəvi işlətməsi uydurmadır və bu ölkəyə təcavüz üçün zəmin yaratmaq niyyəti güdür.
S.Xankişiyeva
