Prezident saatından oldu: “Yaxşı ki, şalvarımı istəməmisən” – VİDEO

Mətbuat konfransı zamanı qırğız jurnalist prezident Almazbek Atambayevdən saatını istəyib.

1news.az-ın “Qafqazinfo”ya istinadən verdiyi xəbərə görə, “De Fakto” qəzetinin baş redaktoru Amantur Musaqulov sual vermək üçün mikrofona yaxınlaşaraq Atambayevə yuxusunu danışıb.

Jurnalistin sözlərinə görə, guya yuxuda prezidentin öz saatını ona verdiyini görüb və bu səbəblə Atambayevdən saatını istəyib. 

Prezident isə zarafatla “Yaxşı ki, şalvarımı istəməmisən” deyərək qolundakı saatı açaraq jurnalistə verib. 

Qeyd edək ki, Atambayevin səlahiyyətləri noyabrın 24-də başa çatır.

1news.az