Qərb-Xəzər Universitetinin professoru: “Paşinyan pirr qələbəsi qazandı”
Bu cür seçkilərin nəticələrini birmənalı olaraq qələbə adlandırmaq olmaz, buna seçicilərin ayaqları ilə səs verdiyi deyilir.
1news.az-ın verdiyi xəbərə görə, bunu Qərb-Xəzər Universitetinin professoru, politoloq Fikrət Sadıxov dekabrın 9-da Ermənistanda keçirilmiş parlament seçkiləri zamanı seçicilərin (48.63%) səs verməsilə bağlı bildirib.
Politoloqun sözlərinə görə, praktiki olaraq vətəndaşların böyük əksəriyyəti səs vermə məntəqələrinə gəlməyib:
“Bu nə deməkdir? Bu, Paşinyanın neçə aydır keçirdiyi siyasətin qələbəsi deyil. Nikol Paşinyanın rəhbərlik etdiyi, seçkilərdə 48% səs vermə hüququna sahib “Mənim addımım” blokunun qələbəsi pirr qələbəsi, yəni, məğlubiyyətə bərabər qələbədir.
Bu, onun istər xarici, istərsə də daxili siyasət kursuna ümumxalq dəstəyinin olmadığını göstərr. Paşinyan bu neçə ay ərzində ağılsız bəyanatları ilə yüzlərlə vətəndaşı özündən uzaqlaşdırdı, Qərb və Rusiya arasında oynamaqla, KTMT üzrə müttəfiq münasibətlərini pozdu, düşünülməmiş addımlar atdı”.
Politoloq qeyd edib ki, seçki zamanı bir çox qubernatorlar seçicilərə təsir edərək, “Mənim adımım” blokuna səs verməyə məcbur edib:
“Bu cür nəticələri ümumxalq dəstəyi adlandırmaq olmaz. Bu, azadlığın və demokratiyanın prinsiplərinə ziddir. Bütün bunlar Ermənistanda qarışıqlıq və Paşinyanın siyasi qüvvələrinin qəbuledilməzliyidir”.
Xatırladaq ki, 70,43% (884 min 456) səslə Ermənistanın baş naziri vəzifəsini müvəqqəti icra edən Nikol Paşinyanın “Mənim addımım” bloku qələbə qazanıb. İkinci yeri 8,27 faizlə (103 min 824) “Çiçəklənən Ermənistan” partiyası tutub. “İşıqlı Ermənistan” partiyası 6,37 faizlə (80024) üçüncü olub. Qalan partiyalar isə Milli Məclisin 7-ci çağırışı üçün lazım olan baryeri keçə bilməyib.
Paşinyanın blokundan olan namizədlər bir-birini etibardan salır
Ermənistanda Koçaryanın həbsdən azad olunmasına etiraz edirlər – FOTO
Tərcümə: S.Xankişiyeva
