Azərbaycanın yeni baş naziri Novruz Məmmədov olub – YENİLƏNİB
Milli Məclisin Beynəlxalq əlaqələr və parlamentlərarası münasibətlər komitəsinin sədri Səməd Seyidov Novruz Məmmədovun fəaliyyətindən danışıb:
“O, ən etibarlı və təvazökar məmurdur. Azərbaycan məmurlarına nümunədir”.
Yeni Azərbaycan Partiyasının (YAP) İcra katibinin müavini, deputat Siyavuş Novruzov da Novruz Məmmədovla bağlı təqdimatı yüksək dəyərləndirərək, onun YAP Siyasi Şurasının üzvü kimi ideal namizəd hesab edərək, eyni zamanda keçmiş baş nazir Artur Rasi-zadəyə Milli Məclis adından təşəkkür elan edilməsini təklif edib.
O, həmkarlarını Novruz Məmmədovla bağlı təqdimata səs verməyə çağırıb.
Sonda Prezidentin təklifi səsə qoyularaq qəbul olunub.
Novruz Məmmədov Milli Məclis tərəfindən Azərbaycanın baş naziri vəzifəsinə təsdiq edilib.
12.13
Milli Məclisdə Azərbaycanın baş naziri postuna namizədlik məsələsinə baxılır.
1news.az-ın verdiyi xəbərə görə, bu vəzifəyə Azərbaycan Respublikasının Prezidenti İlham Əliyev tərəfindən Prezidentin xarici siyasət məsələləri üzrə köməkçisi-şöbə müdiri Novruz Məmmədovun namizədliyi irəli sürülüb.
N.Məmmədovun namizədliyinin irəli sürüldüyü spiker Oqtay Əsədov tərəfindən elan edilib.
İlk olaraq spiker Oqtay Əsədov Prezident İlham Əliyevi aprelin 11-də qazandığı inamlı qələbə münasibətilə təbrik edib.
Ölkə başçısı vəzifəsinin icrasına başladığı üçün Nazirlər Kabineti istefa verib.
Yeni Nazirlər Kabinetinin formalaşması üçün Milli Məclis baş nazir vəzifəsinə namizədə baxmalıdır.
S.Xankişiyeva
