ru

Cəmiyyət

7 Dekabr saat 13:54

Məşhur italyan rəssamın əsərləri Heydər Əliyev Mərkəzində təqdim ediləcək

Məşhur italyan rəssamın əsərləri Heydər Əliyev Mərkəzində təqdim ediləcək

Dekabrın 13-də Heydər Əliyev Mərkəzində “Karavacco - Opera Omnia” adlı sərgi açılacaq.

Mərkəzin mətbuat xidmətindən 1news.az-a verilən məlumata görə, sərgidə məşhur italyan rəssam Mikelancelo Merizi da Karavacconun 40-dək əsərinin rəqəmsal texnologiyadan istifadə edilərək hazırlanmış reproduksiyaları təqdim olunacaq.

Reproduksiyalar əsərlərin real ölçülərində və yüksək keyfiyyətdədir.

Məlumat üçün bildirək ki, Mikelancelo Merizi da Karavacco (1571-1610) XVII əsr Avropa rəssamlığının islahatçısı, realizmin banisi, barokkonun görkəmli nümayəndələrindən biridir.  O, Milanda dünyaya gəlib, lakin yaradıcılq karyerası Romada başlayıb. Qısa müddətdə özünü peşəkar rəssam kimi təsdiqləyib və əsərlərini rəssamlıqda inqilaba çevriləcək yeni dillə yaradıb. Karavacco əsərlərində işıq və qaranlığın kəskin və mükəmməl təzadını əks etdirib.

“Karavacco - Opera Omnia” sərgisi isə Karavaco sənəti ilə texnologiyanın yeniliklərini qovuşdurur.

Sərgi İtaliya Xarici İşlər Nazirliyinin dəstəyi ilə 2003-cü ildə təşkil olunub  və bir sıra ölkələrdə, sonuncu dəfə isə Gürcüstanda təqdim edilib.

Heydər Əliyev Mərkəzindəki sərgi 2018-ci il yanvarın 24-dək davam edəcək.

1news.az

BÖLMƏDƏ YENİ

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2018 "The First News", İnformasiya Agentliyi
Bütün hüquqlar qorunur
entonee.net