Hikmət Hacıyev: Təəssüf ki, National Geographic Qarabağda işğalçı rejimin təbliğatı ilə məşğuldur
Dünyaca məşhur nəşr olan National Geographic yaxın günlərdə rəsmi Instagram hesabında ermənilər tərəfindən işğal olunmuş Dağlıq Qarabağdan bir neçə foto yerləşdirib.
Fotolar 2011-ci ilin yayında baş turumuş toy mərasimindəndir.
National Geographic fotoların aşağısında mərasimin baş tutduğu yeri yazıb:
Dağlıq Qarabağ respublikası, Hadrud rayonu, Xsaberd kəndi.
Həmçinin fotoda qeyd edilir: Dağlıq Qarabağ Azərbaycanın beynəlxalq səviyyədə tanınmış ərazisində müstəqil respublikadır.
Bunu şərh edən Xarici İşlər Nazirliyinin mətbuat xidmətinin rəhbəri Hikmət Hacıyev bu cür faktların olmasından təəssüfləndiyini qeyd edib:
“Təəssüf ki, National Geographic kimi nüfuzlu nəşr Azərbaycanın işğal olunmuş ərazilərində separatçı rejimin təbliğatı ilə məşğuldur. Əgər münaqişədən danışsaq, ilk növbədə etnik təmizlənmə nəticəsində məcburi köçkün və qaçqına çevrilmiş 1 milyondan azərbaycanlının problemlərini qeyd etmək lazımdır. Hesab edirəm ki, bu cür materiallar Azərbaycanın işğal olunmuş ərazirlərində saxtarkar rejimin təbliğatıdır”.
Bununla yanaşı XİN sözçüsü daha əvvəllər də National Geographic müəlliflərinin bu cür materiallarına etirazını bildirdiyini də qeyd edib.
S.Xankişiyeva
