Elmira Axundova: Biz seçki sahəsində Azərbaycan modelini yaratmışıq – MÜSAHİBƏ | 1news.az | Xəbərlər
Siyasət

Elmira Axundova: Biz seçki sahəsində Azərbaycan modelini yaratmışıq – MÜSAHİBƏ

17:41 - 22 / 03 / 2018
Elmira Axundova: Biz seçki sahəsində Azərbaycan modelini yaratmışıq – MÜSAHİBƏ

Milli Məclisin əmək və sosial siyasət komitəsinin üzvü Elmira Axundovanın sechki-2018.az saytına müsahibəsi

1news.az həmin müsahibəni təqdim edir:

- Aprelin 11-də prezident seçkiləri keçiriləcək. Seçkiöncəsi mühiti və seçkilərə hazırlıq prosesini necə qiymətləndirirsiniz?

- Seçki mühitini müsbət qiymətləndirirəm. Prezident seçkilərinə hazırlıq prosesi çox yüksək səviyyədə gedir. Mərkəzi Seçki Komissiyası dəqiq və operativ şəkildə işləyir. Narahatçılığa heç bir səbəb yoxdur. Ən əsası da odur ki, seçkiöncəsi mühit stabildir.

- Mövcud seçki mühiti və ölkəmizin seçki təcrübəsi aprelin 11-də keçiriləcək seçkilərin demokratik və şəffaf şəkildə baş tutmasına zəmin yaradırmı?

- Azərbaycanın kifayət qədər seçki təcrübəsi var. 90-cı illərdən başlayaraq ölkəmizdə prezident, parlament, bələdiyə seçkiləri keçirilir. Ölkəmiz bu sahədə çox böyük təcrübə toplayıb. Seçki Məcəlləsi ildən-ilə daha da təkmilləşdirilir. Mərkəzi Seçki Komissiyasının fəaliyyətində müsbət tendensiyalar müşahidə olunur, yerlərdə yüksək seçki təcrübəsinə malik olan yeni kadrlar hazırlanır. Ən əsası isə seçki prosesinin təşkilində demokratikliyi və şəffaflığı təmin etmək üçün informasiya texnologiyalarının ən son yeniliklərindən istifadə olunur. Seçicilərə seçki prosesini veb-kameralar vasitəsilə onlayn formada izləmək imkanı yaradılıb. Bu proses ən ucqar rayonları əhatə edir. Seçicilərin səsverməyə təkrar daxil olmasının qarşısının alınması üçün mürəkkəblərin çəkilməsi və onların ultrabənövşəyi lampalarla yoxlanması seçkilərin demokratikliyinə və düzgünlüyünə əminlik yaradır. MSK-nın imkanları daha da genişlənir. Komissiya seçki günü respublikanın bütün bölgələrində olan seçki məntəqələri ilə interaktiv əlaqədə olmaqla yanaşı, səsvermə yekunlaşdıqdan bir neçə saat sonra seçkilərin nəticələrini 90 faiz düzgünlüklə açıqlaya bilir. Bütün bunlar göstərir ki, biz seçkilərin interaktiv şəkildə keçirilməsində, bu prosesdə ən son texnologiyaların tətbiqində öndə gedən ölkələrdənik.

- Beynəlxalq təşkilatların seçkilərə marağı hansı səviyyədədir?

- Beynəlxalq təşkilatlar hər zaman Azərbaycandakı seçkiləri müşahidə etməkdə maraqlıdırlar. Çünki Azərbaycan regionda ən güclü, inkişaf edən, bütün məsələlərdə öz müstəqil mövqeyi olan aparıcı dövlətdir. Həmişə olduğu kimi, aprelin 11-də keçiriləcək prezident seçkilərinə də maraq böyükdür.

- Namizədlərin qeydə alınması prosesi artıq yekunlaşıb. Bu barədə nə deyə bilərsiniz?

- Seçkidə iştirak edən siyasi partiyaların və namizədlərin çox olmasının tərəfdarıyam. Bu zaman insanların seçim imkanları daha da geniş olur. Prezident seçkilərində iştirak etmək üçün təşəbbüsləri qeydə alınmış bütün namizədlərə uğurlar arzulayıram. Seçkilərdə mübarizə aparan hər bir namizədə bərabər hüquq və imkanlar yaradıldığı üçün bu seçkilərin də öncəkilər kimi azad və ədalətli keçiriləcəyindən əminəm.

- Azərbaycanın demokratik seçki modeli digər ölkələr üçün nümunə sayıla bilərmi?

- Biz seçki sahəsində Azərbaycan modelini yaratmışıq və bu model kifayət qədər mükəmməldir. Bizim modeldə hər bir siyası partiya və qruplara öz namizədərini irəli sürmək və tanıtmaq imkanı yaradılır. Bu baxımdan düşünürəm ki, istənilən dövlət Azərbaycanın  seçki modelindən nümunə kimi istifadə edə bilər.

1news.az

Paylaş:
764

Son xəbərlər

Fövqəladə Hallar Nazirliyi tərəfindən daha bir qanunsuz tikili sökülübBu gün, 13:59Deputat: “Dünyada pensiya yaşının azaldılması yox, artırılması müzakirə olunur”Bu gün, 13:45Növbəti köç karvanı Füzuliyə çatıb, mənzillərin açarları təqdim edilib - YENİLƏNİB 1Bu gün, 13:41Bu şəxslərin təhsil haqqını dövlət ödəyəcəkBu gün, 13:34“Əlavə kassasiya qaydasında verilən şikayətlər əksər hallarda təmin olunmur” - Vəkillərdən ŞƏRHBu gün, 13:20Deputatdan TƏKLİF: “Təcili tibbi yardım helikopterləri alınsın”Bu gün, 12:54Azərbaycan cəmiyyəti işğalda olan kəndlərin azad ediləcəyinə inanır? - SORĞUBu gün, 12:41Şənbə günü hava necə olacaq?Bu gün, 12:38Ramazan bayramı günlərində Bakı-Qəbələ qatarları hər gün hərəkətdə olacaqBu gün, 12:28Qızıl və gümüşün bahalaşması davam edirBu gün, 12:21İctimai-iaşə obyektlərinin sahiblərinə çağırışBu gün, 12:15“N” hərbi hissəsində komanda-qərargah təlimi keçirilib - FOTOBu gün, 12:14Siyavuş Novruzov: “Bəzi şəxslər Azərbaycanda da terrorun olmasını istəyirdi”Bu gün, 12:02Azərbaycanda ötən gün 50 kiloqramdan artıq narkotik aşkarlanıbBu gün, 11:51FHN: Ötən sutka 39 yanğına çıxış olub, 57 nəfər təxliyə edilibBu gün, 11:39Sahibə Qafarova iclasda erməni həmkarı ilə görüşündən danışdıBu gün, 11:29Azərbaycan Mərkəzi Bankının valyuta məzənnələriBu gün, 11:20Azərbaycanlı şagird Harvard Universitetinə qəbul olubBu gün, 11:18PAŞA Qrup şirkətləri tərəfindən Novruz bayramı ərəfəsində növbəti sosial aksiya keçirilib - FOTOBu gün, 11:09Milli Məclisin iclası başlayıb, 21 məsələ müzakirə olunacaq - SİYAHIBu gün, 11:02
Bütün xəbərlər