BTB Leasing PAŞA Sığorta ilə əməkdaşlığa başlayıb
Yeni yaradılan BTB Leasing şirkəti öz sığortaçısı olaraq PAŞA Sığorta şirkətini seçdi.
Beləliklə, 14 noyabr tarixində PAŞA Sığorta şirkətinin baş ofisində PAŞA Sığorta şirkətinin İdarə Heyəti sədrinin müavini Tural Əliyev və BTB Leasing şirkətinin baş direktoru Cavid Zeynalov görüşərək yeni əməkdaşlıq müqaviləsini imzalayıb, gələcək əməkdaşlığın perspektivləri barədə müzakirələr ediblər.
Yeni imzalanan müqaviləyə əsasən BTB Leasing-ə aid olan avtonəqliyyat vasitələrinin sığortası PAŞA Sığorta şirkətinə həvalə olunub. BTB Leasing öz növbəsinə gələcəkdə inşaat texnikaları və avadanlıqlarının da PAŞA Sığorta şirkətində sığortalamağı planlayır. Hər iki tərəf bu əməkdaşlığın uzunmüddətli və uğurlu olacağına inanır.
PAŞA Sığorta şirkəti 2006-cı ildən fəaliyyət göstərir. “PAŞA Holding” qrupunun üzvü olan “PAŞA Sığorta” 300 000-ə yaxın korporativ və fərdi müştərisinə 36 növ könüllü və icbari sığorta üzrə xidmət göstərir. Şirkət kapitalının, sığorta yığımlarının, sığorta ödənişlərinin həcmi və digər göstəriciləri ilə sığorta bazarının lider və ən böyük sığorta şirkətlərindəndir.
Reklam hüququnda
