"Azərbaycanın Aİİ-yə üzvlüyü gündəlikdə deyil"
Avrasiya İqtisadi İttifaqının (Aİİ) gündəliyində Azərbaycanın quruma üzvlük məsələsi yoxdur.
1news.az xəbər verir ki, bunu Aİİ-nin ticarət üzrə İdarə Heyətinin üzvü Veronika Nikişina İrəvanda keçirilən “Avrasiya həftəsi” çərçivəsində bildirib.
"Deyə bilərəm ki, bu məsələ gündəmdə deyil", o, əlavə edib.
Xatırladaq ki, bundan əvvəl Rusiya prezidentinin müşaviri Sergey Qlazyev İrəvanda bildirib ki, bütün postsovet dövlətlərinin Aİİ-yə daxil olması münaqişələrin sayının azaldılmasına gətirib çıxara bilər:
"Əgər Aİİ postsovet məkanının bütün ölkələrini əhatə etsə, daha az münaqişə olardı. Rusiyaya heç bir münaqişə lazım deyil Bizim mövqeyimiz belədiri ki, postsovet məkanında mövcud olan bütün münaqişələr danışıqlar, məsləhətləşmələr və kompromislər vasitəsilə həll edilməlidir. Biz heç bir münaqişənin olmamasında maraqlıyıq”.
P.Sultanova
