Azərbaycan vətəndaşı nikbindir: Onun sabahından narahat olmağa heç bir əsası yoxdur | 1news.az | Xəbərlər
Siyasət

Azərbaycan vətəndaşı nikbindir: Onun sabahından narahat olmağa heç bir əsası yoxdur

14:45 - 06 / 12 / 2017
Azərbaycan vətəndaşı nikbindir: Onun sabahından narahat olmağa heç bir əsası yoxdur

Avropa İttifaqının “Şərq Tərəfdaşlığı” proqramının sifarişi ilə Nideraldın ING maliyyə holdinqinin tərəfdaşı olan ACT LLC humanitar təşkilatı Azərbaycanla bağlı sorğu aparıb. ING maliyyə holdinqinin analitik məruzəsində yer alan sorğunun nəticələrində maraqlı məqamlar yer alıb. Məlum olub ki, rəyi soruşulanların 81 faizi hökumətə etibar edir. Siyasi partiyalar 45 faizin, Milli Məclis isə 65 faizinin etibarını doğruldur.

Araşdırmanın nəticələrinə əsasən vətəndaşların 80 faizə qədəri ölkənin gələcəyini nikbin qiymətləndirir, şəxsi gələcəyinə isə rəyi soruşulanların 83 faizə yaxını nikbinliklə baxır.

Araşdırma zamanı, həmçinin Azərbaycanda iqtisadi vəziyyət də təhlil olunub. 2018-ci il üçün inflyasiyanın səviyyəsi 6,9 faiz proqnozlaşdırılır. Qeyd edilir ki, 2018-ci ildə manatın dollara nisbətində orta illik məzənnənin 1,59 (hazırda 1,7) təşkil edəcəyi gözlənilir. 2018-ci ildə neftin bir barrelinin qiymətinin 51 dollar olacağı proqnozlaşdırılır.

Millət vəkili Aydın Mirzəzadə 1news.az-a açıqlamasında belə bir nəticənin ortaya çıxmasının gözlənilən olduğunu deyib. Onun sözlərinə görə, bu gün hər bir azərbaycanlı özünün, ailəsinin təhlükəsizliyinin dövlət  dövlət tərəfindən qorunduğunu, mülkiyyətinə sahibliyinə dövlətin zəmanət verdiyini görür:

“Eyni zamanda vətəndaş sosial- iqtisadi məsələlərin həllini görür, təhsilin səviyyəsinin yüksəldiyinin şahidi olur. Bu baxımdan vətəndaş öz dövlətinə inanır, sabaha inamla baxır və hakimiyyətinin daha uzun müddət olmasında maraqlıdır”.

Millət vəkilinin fikrincə, rəy sorğusunun kənar müstəqil bir qurum tərəfindn aparılmasının özü göstərir ki, bu, məsələdə Azərbaycan xalqının böyük əksəriyyəti hakimiyyətin yanındadır və sabaha inamla yaşaması onun üçün mübahisə doğurmayan bir məsələdir:

“Hər bir kəs bu günü və sabahı necə görməsinin qiymətini ilk növbədə özünün olduğu şəraitin, mühitin xarakteristikasına görə verir.  Bu xarakteristika isə ona deyir ki, dövlət insanların sosial problemlərinin həlli, vətəndaşlarının gələcəyi üçün böyük işlər görüb, iş yerləri yaradılır. Ölkə Prezidenti mütamadi olaraq regionlara səfərlər edir, yeni obyektlərin açılışlarını həyata keçirir. Regionlarda inşa edilən yeni məktəblər, xəstəxanalar heç də paytaxtdakı müvafiq obyektlərdən geri qalmır. Həmçinin, bu gün ölkə vətəndaşları qonşu dövlətlərdəki vəziyyəti görərək,  Azərbaycandakı təhlükəsizliyin və sabitliyin böyük səylər nəticəsində yarandığını və bunun həyatının bir hissəsi olduğunu fikirləşir. Bu gün hər bir Azərbaycan vətəndaşı bu stabilliyin, bu fəaliyyətin içində özü də iştirak edir. İndiki dövrün yaranmasında onun özünün də əməyi vardır. Bu baxımdn rəy sorğusunun nəticlərini real hesab edirəm bu, heç kəsi təəccübləndirməli deyil”.

A.Mirzəzadə vurğulayıb ki,  insanların gələcəyə nikbin baxması da təbiidir: “Çünki əgər vətəndaş bu günüdən razıdırsa, sabahın daha yaxşı olacağına şübhəsi yaranmır. Həmçinin, onun sabahından narahat olmasına da hər hansı bir əsas yoxdur. İnsan bugünkü gününü və ailəsinin sabahında problem olmayacağını bilir və bu situasiyanın qalmasında maraqlı olduğunu açıqlayır”.

Millət vəkili  hesab edir ki, bu gün tək ölkə vətəndaşları deyil, həm də xarici investorlar, böyük maliyyə qurumları Azərbaycandakı sabitliyi, təhlükəsizliyi, dayanaqlı inkişafı yüksək qiymətləndirirlər:

“Bütün bunların əsası 1993-cü ildə ulu öndər Heydər Əliyev hakimiyyətə gəldikdən sonra qoyuldu. Azərbaycada dövlətin möhkəmləndiriməsi, islahatların aparılması, hüquqi demokratk dövlətin qurulması, xarici investorların da ölkəmizlə bağlı ciddi planlarının yaranmasına səbəb oldu. İldən ilə ölkəmizə sərmayə qoyanların, təklif etdiyimiz böyük layihələrdə iştirak etmək istəyən şirkətlərin sayı artır. Azərbaycana gələn turistlərin də sayında çox ciddi dəyişiklik, artım var.Bir sözlə, ölkəmizdə stabilliyin və təhlükəsizliyin qorunması müsbət nəticələrin yaranmasına səbəb oldu”.

1news.az

 

Paylaş:
796

Son xəbərlər

İki ali məktəbə prorektor təyin edilibBu gün, 17:58Himayədar ailə olma zamanı tibbi müayinə pulsuz olacaqBu gün, 17:51Qubanın bir hissəsinin qaz təchizatında fasilə yaranacaqBu gün, 17:466 aylıq körpə bacısının dırnağını ağzına saldı, xəstəxanalıq olduBu gün, 17:37Əməkdar artist Rahib Əliyev vəfat edibBu gün, 17:28CAR lideri Prezident İlham Əliyevi təbrik edibBu gün, 17:21Taksilərlə bağlı tələblər müəyyənləşdi - 15 il, kamera, “avro-5”, elektrik mühərrikli - ŞƏRTLƏRBu gün, 16:47Bakı ətrafında dəmir yolu ilə sərnişindaşımaya subsidiya verilməsi qaydaları təsdiqlənibBu gün, 16:34Taksi minik avtomobilləri ağ və ya qırmızı rənglərdə olacaqBu gün, 16:21Builki bayram günlərində yol qəzalarında ölüm faktı 36 faiz azalıbBu gün, 16:06“Azərbaycan Sənaye Bankı” tələbləri pozdu, AMB məcburi sərəmcam verdiBu gün, 15:57FHN və ADY birgə təlim keçirib - FOTO - VİDEOBu gün, 15:34Vilayət Eyvazov Şamaxıda vətəndaşları qəbul edibBu gün, 15:18Bayram günlərində “Azərpoçt”un xidmətlərindən 400 mindən çox vətəndaş istifadə edibBu gün, 15:08“YAŞAT” Fondu müharibə əlilinə dəstək veribBu gün, 14:36“Azərişıq” Göyçayda yenidənqurma işlərinə başlayıb - VİDEOBu gün, 14:30Ekspert taksi islahatlarından danışdı: Birdən-birə 40 min nəfəri işsiz qoymaq doğru deyilBu gün, 14:29Könül Nurullayeva: “ABŞ-Ermənistan-Avropa İttifaqı hərbi paktı regionda sabitliyə, sülhə qarşı yönəlib”Bu gün, 14:13Azərbaycanda 23 yeni narkotik vasitə qadağan edilmiş maddələrin siyahısına əlavə olunduBu gün, 13:23Bakı şəhər “Lifttəmir” İB-nin direktoruna şiddətli töhmət verilib, 2 nəfər vəzifəsindən kənarlaşdırılıbBu gün, 13:10
Bütün xəbərlər