Azərbaycan kuboku: “Keşlə” və “Qəbələ” finalda
Bu gün ölkə kubokunda yarımfinal mərhələsinə yekun vurulub.
1news.az-ın məlumatına görə, finalçıların adı müəyyənləşib.
“Sumqayıt” evdə “Keşlə”ni qəbul edib. Oyun 1:1 hesabı ilə yekunlaşıb. İlk matçda 1:0 hesabı ilə qalib gələn “Keşlə” adını finala yazdırıb.
Digər görüşdə isə “Neftçi” “Qəbələ”ni sınağa çəkib. İlk matçdan səfərdən qələbə ilə qayıdan “ağ-qaralar” sərfəli hesabı qorumağa çalışsalar da, alınmayıb. Roman Qriqorçukun komandası 3:1 hesablı qələbə qazanaraq finala vəsiqə qazanıb.
Qeyd edək ki, “Qəbələ” və “Keşlə” arasında keçiriləcək final görüşü mayın 28-də Qəbələdə keçiriləcək.
Azərbaycan kuboku
Yarımfinal, cavab oyunları
18 aprel
20:00. “Neftçi” – “Qəbələ” - 1:3
Qollar: Soni Mustivar, 10, Baqali Dabo, 20 (1:1), 30 (1:2), Cavid Hüseynov, 61-pen. (1:3)
17:00. “Sumqayıt” – “Keşlə” - 1:1
Qollar: Meza Kolli, 62 (0:1), Cavid İmamverdiyev, 64 (1:1)
1news.az
