“iPhone 7”nin təqdimat tarixi açıqlandı

“Apple” korporasiyası yeni məhsullarını təqdim edəcəyi tarixi rəsmən açıqlayıb.

1news.az lent.az-a istinadən xəbər verir ki, yeni “iPhone 7”nin də təqdim olunmasının gözlənildiyi mərasim sentyabrın 7-də keçiriləcək.

Tədbir yerli vaxtla saat 10:00-da San-Fransiskoda təşkil olunacaq. “iPhone 7”nin yeni, fərqli rənglərdə olacağı güman edilir. Lakin korporasiya bu haqda heç bir açıqlama verməyib.

Mərasimdə “Apple Watch 2” və yeni “MacBook Pro”nun da təqdim olunacağı gözlənilir.

1news.az