Bakının bir hissəsinin təbii qaz təchizatında məhdudiyyətlər olacaq

Abonentlərin təbii qaza olan tələbatının təmin edilməsi, qaz xəttində aşkar olunmuş qaz sızmasının ləğv olunması və qaz xətti üzərində quraşdırılmış qaz tənzimləyicinin yenisi ilə əvəz edilməsi ilə əlaqədar aprelin 14-də saat 10:00-dan işlər yekunlaşanadək nəzərdə tutulmuş təmir işləri aparılacaq. Görülən işlər zamanı Nizami rayonunun bir hissəsində təbii qazın verilişində fasilələr yaranacaq.

1news.az-ın “Azəriqaz” İstehsalat Birliyinə (İB) istinadən verdiyi xəbərə görə, aparılan işlərin Bakının Sabunçu rayonunun, eləcə də Abşeron rayonunun Xırdalan şəhəri daxil olmaqla, Qobu, Güzdək, Hökməli qəsəbələrinin bir hissəsinin qaz təchizatına təsir göstərməsi də mümkündür.

Görülən işlər gün ərzində yekunlaşdırılaraq təbii qazın verilişində yaranan fasilələr aradan qaldırılacaq.

Babək Cahandarov