Bank Respublika “Elektron bankçılıq xidmətlərində lider bank” mükafatına layiq görülüb
2016-cı ilin yekunlarına əsasən Mərkəzi Bank və Azərbaycan Banklar Assosiasiyası tərəfindən ölkədə nağdsız ödənişlərin təşviqi və stimullaşdırılması məqsədilə keçirilən tədbirdə Bank Respublika “Elektron bankçılıq xidmətlərində lider bank” nominasiyasında 1-ci yerə layiq görülüb.
Eyni zamanda Bank Respublika “Nağdsız ödənişlər üzrə lider bank” nominasiyası üzrə 2-ci yeri” qazanıb.
Bank Respublika müştərilərə göstərilən xidmət çeşidinin genişləndirilməsi və şərtlərinin optimallaşdırılmasına xüsusi önəm verir və məsafəli bankçılıq sahəsində aşağıda sadalanan xidmət növlərini istifadəyə verib:
- İstifadəçilərin rəğbətini qazanmış “İnternet Şöbəsi” (www.bankim.az) vasitəsilə geniş çeşiddə bank məhsullarından faydalanmaq imkanı;
- Xarici görünüşü və funksionalı tamamilə yenilənmiş “Mobil Şöbə” əlavəsi.
- eManat terminalları üzərindən pul köçürmələrini təmin edən “Vektor” ölkədaxili pulköçürmə sistemi
- “9144 SMS bankçılıq” xidməti vasitəsilə bank hesabları, kreditləri, plastik kartlar və depozitləri üzrə məlumat almaq mümkündür
- Kredit borclarını bankomat və bankın rəsmi səhifəsində “cari hesaba mədaxil” xidməti vasitəsilə onlayn ödəməyə imkan yaradan xidmət;
- Vəsaitlərin cari hesaba yatırılması əməliyyatlarının MilliÖN və eManat terminalları vasitəsilə həyata keçirilməsi və digər xidmətlər;
Müştərilərə daha operativ və əlverişli xidmət növlərinin göstərilməsi məqsədilə Bank Respublika elektron bankçılıq sahəsində yeni layihələr üzərində çalışır.
