Tikinti sahəsində işləyənlərin sayı və orta aylıq əmək haqqı açıqlanıb
2016-cı ildə tikinti sahəsində muzdla çalışan işçilərin orta siyahı sayı 95,2 min nəfər təşkil edib, onların 48,2 min nəfəri binaların tikintisində, 24 min nəfəri mülki təyinatlı inşaat işlərində, 23 min nəfəri isə ixtisaslaşdırılmış tikinti işlərində çalışıb.
Dövlət Statistika Komitəsindən 1news.az-a verilən məlumata görə, işçilərin 27%-i dövlət, 73%-i isə qeyri-dövlət tikinti müəssisələrində məşğul olublar.
Tikinti sahəsində işləyənlərin orta aylıq nominal əmək haqqı əvvəlki ilə nisbətən 18,6% artaraq 813,7 manata çatıb. Qeyri-dövlət sektorunda işçilərin orta aylıq nominal əmək haqqı 927,8 manat, dövlət sektorunda isə 527 manat olub.
Əvvəlki illə müqayisədə ixtisaslaşdırılmış tikinti işlərində işləyənlərin orta aylıq nominal əmək haqqı 21,6%, binaların tikintisində 14,9%, mülki təyinatlı inşaat işlərində çalışanların isə 0,9% artıb.
1news.az
