USD1.7202
EUR1.8529
RUB0.0298
Brent50.78
WTI48.07
Золото1 247.66
S&P 500 Index2 344.02
Nikkei 22519 041.38

Turkish Airlines yenə İstanbul-Bakı-İstanbul aviareyslərini təxirə salıb 10.01.2017 11:20

Türkiyədə hökm sürən əlverişsiz hava şəraiti ilə əlaqədar olaraq yanvarın 10-da Turkish Airlines (Türk Hava Yolları) İstanbul-Bakı-İstanbul aviareyslərini təxirə salıb.

Bu barədə Turkish Airlines-nın rəsmi saytında qeyd edilib ki, təxirə salınan aviareyslər arasında İstanbuldan Bakıya və əks istiqamətli uçuşlar var.

Əsasən təxirə salınan aviareyslər İstanbulun Atatürk hava limanından saat 01:50-də və 05:40-da yerinə yetirilməli olan və Bakıdan İstanbula saat 04:45-də və 07:50-də həyata keçirilməsi gözlənilən aviareyslər olub.

1news.az-a Heydər Əliyev Beynəlxalq Hava Limanından bildiriblər ki, AZAL Bakı-İstanbul reysi üzrə bütün uçuşları yerinə yetirir:

“İstanbulda qarlı-şaxtalı hava şəraitinə baxmayaraq, Bakıdan İstanbula və əks istiqamətdə reyslər təxirə salınmayıb.  Bu gün üçün AZAL-ın Bakıdan İstanbula 3 reysi planlaşdırılmışdı. İlk təyyarə saat 09:59-da Bakıdan İstanbula uçub. Bu gün "Türk Hava Yolları"nın saat 20:45-də İstanbuldan Bakıya uçmalı olan və 11 yanvar saat 00:30-da eniş edəcək bir reysi hələ ləğv edilməyib”.

Qeyd edək ki, Türkiyədə qarlı-şaxtalı hava şəraiti səbəbindən Turkish Airlines son 4 gündə İstanbul aeroportlarından mindən çox uçuşu ləğv edib.

Ümumilikdə "Türk Hava Yolları"nın yanvarın 4-dən 989 aviareysi ləğv edilib. Ötən gün isə bu göstərici 1400-ü keçib. Bu gün də 121 reysin ləğv edildiyi bildirilir.

Mövzu ilə əlaqədar oxuyun:

Türk Hava Yolları 277 reysi ləğv edib

Türkiyə və Azərbaycan arasında aviareyslər təxirə salınıb

1news.az

 

145baxışların sayı