“Olimpiakos” və “Napoli” qrupda oynayacaq, “Başakşəhər” Avropa Liqasına yollandı

Çempionlar Liqasında pley-off mərhələsinin cavab oyunlarına start verilib.

1news.az-ın məlumatına görə, dünən axşam keçirilən ilk oyun günündə 5 qarşılaşma baş tutub.

Günə “Astana” – “Seltik” oyunu ilə start verilib. Səfərdə keçirdiyi birinci görüşdə 0:5 hesabı ilə uduzan Qazaxıstan təmsilçisi öz meydanında 4:3 hesablı qələbə qazansa da, iki oyunun nəticəsinə görə mübarizəni dayandırmalı olub.

Eyni aqibəti Türkiyənin “Başakşəhər” komandası da yaşayıb. Belə ki, evdə “Sevilya”ya 1:2 hesabı ilə uduzan Türkiyə təmsilçisi səfərdə 2:2 hesablı heç-heçə edərək Çempionlar Liqası ilə vidalaşıb. Abdullah Avcının komandası mübarizəni Avropa Liqasının qrup mərhələsində davam etdirəcək. 

“Seltik” və “Sevilya” ilə yanaşı, “Olimpiakos”, “Maribor” və “Napoli” klubları da adlarını ÇL-in qrup mərhələsinə yazdırıb.

Çempionlar Liqası

Pley-off mərhələsi, cavab oyunları

22 avqust

“Astana” (Qazaxıstan) – “Seltik” (Şotlandiya) - 4:3

Qollar: Ayer, 26 (avtoqol); Mujikov, 48; Tvumasi, 49, 69 - Sinkleyr, 34; Ntçam, 80; Qriffits, 90

İlk oyun – 0:5

“Riyeka” (Xorvatiya) – “Olimpiakos” (Yunanıstan) - 0:1

Qol: Marin, 25

İlk oyun – 1:2

“Maribor” (Sloveniya) – “Hapoel” (Beyer-Şeva, İsrail) - 1:0

Qol: Viler, 15

İlk oyun - 1:2

“Sevilya” (İspaniya) – “Başakşəhər” (Türkiyə) - 2:2

Qollar: Eskudero, 52; Ben Yedder, 75 - Elia, 17; Viska, 83

İlk oyun - 2:1

“Nitsa” (Fransa) – “Napoli” (İtaliya) - 0:2

Qollar: Kalyexon, 48; İnsinye, 89

İlk oyun - 0:2

Babək Cahandarov