“Real” UEFA Superkubokunun qalibidir – FOTO – VİDEO
UEFA Super kubokunun qalibinin adı məlum olub.
1news.az-ın məlumatına görə, Makedoniyanın paytaxtı Skopyedə keçirilən görüşdə ötən mövsüm avrokuboklara sahib çıxan iki komanda – Çempionlar liqasının qalibi “Real”la Avropa Liqasının qalibi “Mançester Yunayted” qarşılaşıblar.
Matçda hesabı madridlilər açıb. Kazemiro 24-cü dəqiqədə fərqlənərək komandasını hesabda irəli çıxarıb. Birinci hissədə başqa qol olmayıb.
Zidanın yetirmələri ikinci hissəyə də qolla başlayıblar. Belə ki, 51-ci dəqiqədə İsko komandasının üstünlüyünü iki qola çatdırıb. Bu qoldan 11 dəqiqə sonra Romelu Lukaku fərqi azaldıb. Matçın qalan dəqiqələrində isə komandaların cəhdlərinə baxmayaraq qapılara qol vurulmayıb.
Beləliklə, “Mançester Yunayted” üzərində 2:1 hesablı qələbə qazanan “Real” Superkubokun qalibi olub.
UEFA Superkuboku
8 avqust
“Real” (Madrid, İspaniya) – “Mançester Yunayted” (İngiltərə) - 2:1
Qollar: Kazemiro, 24, İsko, 51 - Lukaku, 62
Baş hakim: Canluka Rokki
Baş hakimin köməkçiləri: Elenito Di Liberatore, Mauro Tonolini
Əlavə hakim köməkçiləri: David Massa, Massimiliano İrrati
Ehtiyat hakim Rikkardo Di Fiore (hamısı İtaliya)
Dördüncü hakim: Klement Turpin
UEFA nümayəndəsi: Marko Kasaqrande (Finlandiya)
Skopye (Makedoniya). II Filip stadionu
Babək Cahandarov
