Bəhram Bağırzadə azarkeşlərə səsləndi: bütün stadion Azərbaycan və “Qarabağ” bayraqları ilə dolu olsun! - FOTO
Azərbaycanın tanınmış aktyoru, şoumen Bəhram Bağırzadə sabah keçiriləcək “Qarabağ” – “Kopenhagen” oyunu ilə bağlı azarkeşlərə müraciət edib.
1news.az-ın məlumatına görə, o müraciətində hər kəsi stadiona gələrək komandamıza dəstək olmağa çağırıb:
“Avqustun 15-i, saat 20:00-da Tofiq Bəhramov adına stadionda Ağdam futbol klubu “Qarabağ”la Danimarka futbol klubu “Kopenhagen” arasında oyun baş tutacaq. Bu, çox vacib bir oyundur, çünki Azərbaycan futbol tarixində ilk dəfə olaraq bizim komanda Çempionlar Liqasında oynayır!
Mən, Azərbaycan futbolunun alovlu azərkeşi olaraq hamını stadiona gəlməyə və bizim komandanı, ələxsus “Qarabağ” kimi qürurlu adı olan komandanı dəstəkləməyə dəvət edirəm. Gəlin, bizim futbolçulara, bizim “Qarabağ”a dəstək olaq və onlar üçün bayraqlardan ibarət elə bir parlaq bir şou düzəldək ki, bütün stadion Azərbaycan və “Qarabağ” bayraqları ilə dolu olsun”!
Bütün azarkeşləri və tamaşaçıları bu vacib oyuna bayraqlarla birgə gəlməyə dəvət edən B.Bağırzadənin sözlərinə görə, bu oyun bütün Avropaya translyasiya olunacaq və bütün dünya görəcək ki, Azərbaycan bayrağı necə uca və təntənə ilə dalğalanır:
“Xüsusən, dünya çempionu titulu qazanmış, Türkiyə bayrağı ilə yanaşı öz Vətəninin bayrağını da götürən həmvətənimiz Ramil Quliyevin möhtəşəm qələbəsindən sonra, bu çox güclü olacaq! Qoy bütün dünya bilsin ki, Azərbaycan bayrağı - qaliblər bayrağıdır”!
.jpeg)
.jpeg)
.jpeg)
.jpeg)
Babək Cahandarov
