AFFA-dan “Kəpəz”lə “Zirə”nin futbolçusuna 2 oyunluq cəza
Bu gün AFFA İntizam Komitəsinin növbəti iclası keçirilib.
1news.az-ın AFFA-nın rəsmi saytına istinadən verdiyi məlumata görə, İK Topaz Premyer Liqanın 16-cı turunda baş verən qayda pozuntuları ilə bağlı müvafiq qərarlar qəbul edib.
AZAL – “Qarabağ” matçının 45+3-cü dəqiqəsində AZAL klubunun futbolçusu Sadio Tounkara ikinci sarı vərəqə alaraq meydançadan kənarlaşdırıldığı üçün 1 oyun cəzalanıb, klub 200 manat cərimə olunub.
“Zirə” – “Kəpəz” matçında “Zirə” klubunun 5, “Kəpəz” klubunun 4 futbolçuları sarı vərəqə ilə cəzalandıqları üçün hər iki klub 800 manat cərimə olunub.
Oyunun 28-ci dəqiqəsində “Zirə” klubunun futbolçusu Meza Kolli və oyunun 90+3-cü dəqiqəsində “Kəpəz” klubunun futbolçusu Renan Da Silva aqressiv davranışa görə birbaşa qırmızı vərəqə alaraq meydançadan kənarlaşdırıldıqları üçün hər iki futbolçu 2 oyun cəzalanıb, klublar 1600 manat cərimə olunub.
1news.az
